Ikipe ya APR FC, Yatsinze ikipe ya Young Africans mu marushanwa ya Mapinduzi Cup 2024, Ikatisha itike ya 1/2 cy’irangiza muri ayo marushanwa akomeje kubera muri Zanzibar. Ikipe ya APR Fc, Yatsinze ibitego 3 kuri 1 cya Young Africans.
Ikipe ya APR Fc yari abakinnyi 11 yari yabanje mu kibuga harimo; 32 Pavelh, 28 Yunusu, 14 Banga, 02 Fils, 03 Claude (C), 19 Pichou, 22 Ramadhan, 27 Bosco, 11 Gilbert, 15 Sanda, 29 Mbaoma.
Ikipe ya Young Africans yo yari yabanje abakinnyi 11 barimo; 16 Mshery, 33 Kibwana, 13 Lomalisa, 45 Nanguka, 37 Fred, 20 Mauya (C), 17 Farid, 65 Chigombo, 24 Mzize, 6 Skudu, 12 Moloko.
Igice cya mbere ikipe ya Young Africans, Yari imbere y’abafana bayo yatangiye yitwara neza cyane, Biza kuyikundira ku munota wa 23′ ubwo Jusus Moloko, Yatsindaga igitego kimwe rukumbi iyo kipe yaje gutsinda muri uwo mukino.
Igice cya mbere kigiye kurangira ku munota wa 3 w’inyongera (45’+3′), Ikipe ya APR Fc, Yaje gutsinda igitego cyo kwishyura cyatsinzwe na Soulei Sanda, Igice cya mbere cyaje kurangira ari igitego 1 kuri 1.
Mu gice cya kabiri, Ikipe ya APR Fc, Yaje iri hejuru cyane ya Young Africans, Ku munota wa 48′ APR Fc, yaje kubona Penaliti yatsinzwe na Victor Mbaoma. APR Fc yakomeje kurusha cyane Young igenda ihusha ubundi buryo bwabaga bwabazwe, Benshi batangira kubona ko APR FC, ishobora no kuza gutsinda uwo mukino mu gihe yaba ibonye igitego cya gatatu cyari guca intege ikipe ya Young.
Ku munota wa 79′ , Sharaf Eldin Ali Abdelrahman, Wari winjiye mu kibuga asimbuye yaje gutsinda igitego benshi bari bategereje bari bashyigikiye APR Fc, Bikomeza guca intege abakinnyi ba Young Africans kuko byagaragaye ko cyababereye umutwaro ukomeye cyane, kibabuza kwishyura ikipe ya APR Fc, Umukino urangira APR Fc iwusinze ibitego 3 kuri 1.
Ikipe ya APR Fc, Muri 1/2 izakina na Mlandege Fc, Yasezereye ikipe ya KVZ kuri penaliti 3 kuri 2. Nyuma y’uko umukino wose wari warangiye amakipe yombi anganyije ubusa ku busa.
Myugariro mpuzamahanga w’umunya- Cameroon, Salomon Banga Bindjeme niwe wahembwe nk’umukinnyi witwaye neza mu mukino wabahuje na Young Africans. Yahawe amafaranga 750,000 y’amashiringi ya Tanzaniya, Angana na 376,620 mu mafaranga y’ u Rwanda.
