Rayon Sports yahaye As Kigali ubusobanuro bw’ibara ry’ubururu n’umweru

Rayon Sports yakinaga n’ikipe ya As Kigali mu mukino w’umunsi wa 9 wa shampiyona y’u Rwanda Primus National League.

Uwo mukino warangiye ikipe ya Rayon Sports itsinze ibitego 2 kuri 1 cya As Kigali, yari yakiriye uyu mukino waberega kuri Stade ya Kigali I Nyamirambo.

Rayon Sports niyo yatangiye ifungura amazamu ku gitego cyatsinzwe na Youssef ku munota wa 8′ w’umukino, Ku munota wa 9′ umukongomani Manase Mutatu yahise ashyirimo igitego cya kabiri cya Rayon Sports ndetse igice cya mbere kiza no kurangira gutyo.

Mu gice cya kabiri ikipe ya As Kigali yakoze impinduka ishaka kwishyura yinjiza abakinnyi harimo, Bishira Latif ndetse na Kayitaba Jean Bosco, Sugira Ernest, Biramahire Abeddy baje basanga Niyonzima Haruna mu kibuga wari wasimbuye Robert Saba mu gice cya mbere.

Umukino ubwo wari ugeze ku munota wa 60′ Bishira Latif yaje gutsinda igitego kimwe cya As Kigali yabonye muri uwo mukino warangiye ari ibitego bibiri kuri kimwe.

Indi mikino y’umunsi wa 9 wa shampiyona y’u Rwanda uko yarangiye;

Bugesera Fc 0-0 Etoile De L’Est

Rutsiro Fc 2-2 Espoir Fc

Gasogi United 0-1 Gorilla Fc

Mukura Sports 1-2 Kiyovu Sports

Marinnes Fc 1-2 APR Fc

As Kigali 1-2 Rayon Sports

Nyuma yiyi mikino y’umunsi wa 9 bitumye Kiyovu Sports ikomeza kuyobora shampiyona y’u Rwanda n’amanota 20 aho irusha As Kigali na APR Fc amanota 4 ariko ikipe ya APR Fc igifite imikino 3 y’ibirarane.