Rayon Sports yakinaga na Bugesera Fc mu mukino w’Umunsi wa 33, Muri Shampiyona y’u Rwanda BK Pro League iri kugana ku musozo, Umukino warangiye Rayon Sports itsinze ibitego 2-0 Bugesera Fc.
Umukino wahuzaga Rayon Sports na Bugesera Fc waberaga kuri Kigali Pele Stadium, Watangiye Saa 18:30 za Kigali, Umusifuzi wari uyoboye uwo mukino ni Moise Mulindangabo, Afatanyije na Mutuyimana Dieudonne wari umwungiriza wa mbere, Na Mbonigena Seraphin wari umwungiriza wa kabiri na Eric Dushimimana wari umusifuzi wa Kane, Theogene Ndagijimana niwe wari Komiseri muri uwo mukino.
Igice cya mbere cyarangiye amakipe yombi anganya ubusa ku busa, Ibitego byose byabonetse muri uwo mukino byatsinzwe mu gice cya kabiri byose bijya ku ruhande rwa Rayon Sports yari yatangiranye imbaraga igice cya kabiri cyuwo mukino.
Rutahizamu Asmani Ndikumana niwe wafunguye amazamu ku munota wa 59’, Ku munota wa 88’Aziz Bassane nawe yashyizemo agashinguracumu, Umukino urangira ari ibitego 2-0.
Inzira ya Rayon Sports yo gusohokera u Rwanda mu mikino ya CAF Confederation yarushijeho koroha, Itike bari guhatanira na Kiyovu Sports:
Rayon Sports nyuma yo gutsinda Bugesera Fc yahise igira amanota 55 muri BK Pro League ihita irusha amanota 3 Kiyovu Sports bazakina umukino wa nyuma muri BK Pro League ku munsi wa 34.
Rayon Sports irasabwa gutsinda uwo mukino cyangwa bakanganya na Kiyovu Sports kugirango babone itike ya CAF Confederation Cup 2026, Mu gihe Kiyovu Sports yo isabwa kuzatsinda ibitego byibura 3-0 Rayon Sports kuko bazareba uko umukino ubanza warangiye kandi Rayon Sports yawutsinze ibitego 2-0.
Uwo mukino uzahuza Rayon Sports na Kiyovu Sports wa nyuma muri BK Pro League, biteganyijwe ko uzaba Tariki ya 29 Gicurasi 2026, Kuri Pele Stadium.
Izindi nkuru wasoma: Icyo amategeko ya BK Pro League avuga mu gihe Rayon Sports na Kiyovu SC zanganya amanota
Myugariro w’Amavubi yahawe andi masezerano muri Standard de Liège
Rutahizamu Asmani Ndikumana akomeje kwitwara neza muri Rayon Sports nyuma yo kumara iminsi afite imvune, Yatangiye kongera kwigaragaza.
Must See
