Myugariro w’Ikipe y’Igihugu Amavubi, Yahawe amasezerano mu ikipe ya Standard de Liège, Darrly Nkulikiyimana, Yahawe amasezerano mashya nk’umukinnyi wabigize umwuga mu ikipe y’abatarengeje imyaka 23 ya Standard de Liège yo mu bubiligi.
Darrly Nkulikiyimana afite imyaka 21 y’amavuko asanzwe akina mu ikipe y’abatarengeje imyaka 23 ya Standard de Liège nka myugariro (kuri 4 cyangwa 5), Ubu yahawe amasezerano y’Umwaka 1 ushobora kongerwa mu gihe azaba yitwaye neza.
Izindi nkuru wasoma:Icyo amategeko ya BK Pro League avuga mu gihe Rayon Sports na Kiyovu SC zanganya amanota
Rutahizamu w’Amavubi Joy Lance Mickels yakiriye igihembo yakoreye
Darrly yahamagawe bwa mbere mu ikipe y’Igihugu Amavubi n’Umutoza Adel Amourche muri Kamena 2025, Amaze gukinira ikipe y’Igihugu Amavubi imikino 3, Harimo umukino wa gicuti u Rwanda rwakinnye na Algeria, Tariki ya 9 Kamena 2025, n’umukino u Rwanda rwatsinze Zimbabwe igitego 1-0 mu gushaka itike y’Igikombe cy’Isi cya 2026, Tariki ya 9 Nzeri 2025.
Darrly yaje kongera guhamagarwa mu ikipe y’Igihugu n’Umutoza Adel Amourche, Ubwo u Rwanda rwakinaga na Afurika y’Epfo, mu mukino wo gushaka itike y’Igikombe cy’Isi 2026, Warangiye u Rwanda rutsinzwe ibitego 3-0, Ari nabwo uyu mukinnyi aheruka mu ikipe y’Igihugu Amavubi.
Must See
