Bwa mbere Noam Emeran yahamagawe mu ikipe y’Igihugu Amavubi n’umutoza Stephen Constantine, Igiye gukina imikino ya gicuti muri Morocco ukwezi gutaha Tariki ya 6 na 9 Kamena 2026, U Rwanda ruzakina na Tanzania na Comoros.
Noam Emeran yavutse Tariki ya 24 Nzeri 2002, Avukira mu gihugu cy’Ubufaransa i Paray Le Monial, Ubu afite imyaka 23 y’amavuko, Azuzuza 24 mu kwezi kwa Nzeri Tariki ya 24 uyu mwaka, Akina nka rutahizamu uca kumpamde yataka izamu akinisha ukuguru kw’imoso.
Papa we umubyara yitwa Fritz Nkusi yakiniye nawe ikipe y’Igihugu Amavubi aca kuri kabiri, Mu gihe Mama we yitwa Mukarubayiza Agnes.
Noam Emeran ubu ni umukinnyi wa Groningen Fc yo mu Buholandi mu kiciro cya mbere, Ni Ikipe y’amateka yakinnyemo abakinnyi bakomeye ku Isi nka Virgil van Dijk wa Liverpool ubu, Roben Arjen, Louis Suàrez, Ronald Koeman, Dušan Tadic n’abandi benshi bagiye bamenyekana mu mupira w’amaguru ku Isi.
Urugendo rwa Noam Emeran muri ruhago:
Akiri umwana yakinnye muri Fc Brussels, 2011-2017 akina muri Entente SSG, 2017-2019 akina muri Amiens, 2019-2023 akina muri Manchester United, Ubu akina muri Groningen ariko umwaka w’imikino ushize yari yaratijwe muri Emmen yo mu kiciro cya kabiri mu Buholandi.
Emeran kandi yakiniye ikipe y’Igihugu y’Ubufaransa y’abatarengeje imyaka 16, Mu mwaka wa 2017 aho yabakiniye imikino 2.
Amagambo yatangaje akimara guhamagarwa mu ikipe y’Igihugu Amavubi bwa mbere:
Abinyujije kurukuta rwe rwa Instagram ahaca ubutumwa bumara amasaha 24;
Yavuze ati “Ni ishema n’ibihe bidasanzwe kuba ninjiye mu ikipe y’Igihugu y’U Rwanda, Guhagarara igihugu cyanjye n’ibyicyubahiro nyacyo, Urugendo rushya twese hamwe tugiye kwandikira hamwe mu muhamagaro wacu, gukora cyane, n’ubumwe ruratangiye“.
Abakinnyi bose bahamagawe mu mavubi bazajya muri Morocco gukina na Tanzania na Comoros. Mickels Joy Lance na Jacques Leroy Mickels na Manzi Thierry bo twamenye ko bagize ikibazo cy’Imvune.
Izindi nkuru wasoma: Rutahizamu w’Amavubi Joy Lance Mickels yakiriye igihembo yakoreye
Myugariro w’Amavubi yahawe andi masezerano muri Standard de Liège
Must See
