Nyuma y’imyaka myinshi y’uruhurirane rw’ibibazo by’imiyoborere byakomeje kurangwa muri Rayon Sports, Urwego rw’Igihugu rw’Imiyoborere (RGB) rwatangaje ko rusheshe inzego zose zayoboraga iyi kipe, rutegeka ko hashyirwaho komite y’inzibacyuho igamije gukora impinduka z’ingenzi mu gihe kitarenze amezi atatu.
Iyo komite nshya yafashe inshingano ku wa Kabiri, tariki ya 25 Ugushyingo, ikaba igizwe n’abantu batanu barimo n’abo benshi mu bakunda Ruhago bitanga icyizere ko bashobora gutuma iyi kipe y’ubukombe isubira ku murongo.
INDI NKURU WASOMA:UCL : Mbappé yatsinze bitatu mu minota irindwi ubwo Arsenal yitwaraga neza
Ni icyemezo cyafashwe nyuma y’amakimbirane adashira, imikorere idahwitse ndetse no guhungabana ku musaruro mu kibuga bimaze igihe byangiza izina rya Rayon Sports no kubangamira uruhare rwayo mu iterambere rya siporo y’u Rwanda.
Ku nshuro ya kabiri, Abdallah Murenzi ni we wongeye kugirirwa icyizere cyo kuyobora iyi nzibacyuho. Afatanyije na Jean-Bosco Nubumwe, José Akayezu, Olivier Gakwaya na Jean-Baptiste Musabyimama, bagomba kuyiyobora mu mezi atatu ari imbere gushyira imbaraga mu gusubiza urwego rwo hejuru imiyoborere y’ikipe, kunoza imicungire y’umutungo no kugirana umubano usesuye n’abanyamuryango ndetse n’abafana.
Abdallah Murenzi si izina rishya mu miyoborere ya Rayon Sports. Uyu mugabo wigeze kuyobora iyi kipe mu 2020 mu bihe byari bimeze nk’ibi, ni umwe mu bayobozi bamaze igihe bifuzwa na benshi kubera ubunararibonye n’ubumenyi mu miyoborere ya siporo.
INDI NKURU WASOMA:Perezida Kagame yashimye imyitwarire ya Arsenal
Uretse ibikorwa bye muri Rayon Sports, Murenzi yigeze kuyobora Ishyirahamwe ry’Umukino wo gusiganwa ku magare mu Rwanda (FERWACY) kuva muri Kamena 2022 kugeza muri Kanama 2023, aza kwegura nyuma y’amakimbirane yari avutse ku byemezo byavugwagwamo uruhare rwe rutavugwaho rumwe.
Mbere yaho, yabaye Meya w’Akarere ka Nyanza hagati ya 2009 na 2016, igihe kandi yagiriye uruhare rukomeye mu buyobozi bwa Rayon Sports mu mwaka w’imikino wa 2012/13, ubwo iyi kipe yegukanaga igikombe cya shampiyona mu buryo bwashimishije abafana bayo.
Abamuzi bemeza ko ari umuyobozi uzi uburyo bwo guhuza abantu, ndetse ufite ubunararibonye mu miyoborere y’urubyiruko n’inyungu rusange muri siporo. Ibi bituma benshi batekereza ko ashobora gufasha Rayon Sports kongera kwiyubaka no kongera icyizere mu bafana n’abakunzi bayo.
Abakunzi ba Rayon Sports bakomeje kwerekana ko bashyigikiye iseswa ry’ubuyobozi bwari buriho, bavuga ko uburyo ibintu byari bimeze byari byarahinduye ikipe isibaniro ry’amakimbirane aho kuba icyitegererezo.
Komite nshya yahawe inshingano zikomeye: kugarura ituze, kunoza imiyoborere, gusobanura neza umutungo, kunoza imibereho y’abakinnyi no gutegura amatora azazana ubuyobozi bushya bufite icyerekezo kirambye.
KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c
