Mu gitondo cyo ku munsi wejo nibwo hatangiye gucicikana inkuru zavugaga ko Brig Gen Deo Rusanganwa yakuwe ku nshingano zo kuyobora APR FC, nyuma y’amezi 13 gusa yari ayoboye iyi kipe y’Ingabo z’u Rwanda.
Brig Gen Rusanganwa, usanzwe ayobora Diviziyo ya Kabiri mu Ngabo z’u Rwanda, yahawe kuyobora APR FC mu Ugushyingo 2024 asimbura Col (Rtd) Richard Karasira.
Amakuru yaje no kwemezwa na bamwe mu bayobozi bo muri iyi kipe, nubwo ubuyobozi bwa APR FC bwo butaratangaza icyemezo mu buryo burambuye.
Amakuru yatangajwe n’ikinyamakuru Igihe avuga ko uyu muyobozi wabitangaje yemeje ko nubwo izi mpinduka zamaze gukorwa ariko ko ubuyobozi bw’iyi kipe butaramenyesha abakorera imbere mu ikipe ku mugaragaro
Yaakomeje avuga ko nubwo impamvu z’izi mpinduka zikiri ubwiru ko uwitwa Col (Rtd) Vincent Mugisha, Umunyamabanga Mukuru wa APR FC, ari we ufashe inshingano by’agateganyo.
Ku buyobozi bwe, imbere mu gihugu iyi kipe yahatwaye ibikombe bitatu bikomeye: Shampiyona, Igikombe cy’Amahoro n’Igikombe cy’Intwari.
INDI NKURU WASOMA:AFCON 2025 :Côte d’Ivoire yagaruye Wilfried Zaha
Ni intsinzi zatumye abafana benshi bamubonamo umuyobozi uzi gutegura no gushyigikira imikorere ya siporo y’Ingabo.
Izi mpinduka zije mu gihe APR FC iri ku mwanya wa kabiri muri Shampiyona, aho irushwa amanota ane na Police FC iyoboye urutonde, ikaba ikiri inyuma umukino umwe ugereranije n’ayo abandi bamaze gukina.
Kugeza ubu abakurikirana umupira w’amaguru mu Rwanda bakomeje gutegereza itangazo rya APR FC ririmo ibisobanuro birambuye.
KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm
Must See
