Ikipe ya Al Hilal SC yo muri Sudani yatangiye urugendo rwo kujurira icyemezo cy’Impuzamashyirahamwe y’Umupira w’Amaguru muri Afurika (CAF) nyuma yo gufatira rutahizamu wayo , Jean Claude Girumugisha, ibihano bikomeye birimo kumuhagarika imikino itatu.
Amakuru aturuka mu bayobozi b’iyi kipe avuga ko barimo gushaka uburyo icyo gihano cyavanwaho cyangwa kigagabanywa.
Girumugisha, umukinnyi w’Ikipe y’Igihugu ya Burundi, yari kumwe n’abandi bakinnyi ba Al Hilal bagiye i Lubumbashi ku wa Gatanu, mu kwitegura umukino ukomeye wa CAF Champions League bazahuramo na St Eloi Lupopo kuri iki Cyumweru, tariki ya 30 Ugushyingo.
Gusa aza kubwirwa ko atagomba kugaragara muri uwo mukino bitewe n’uko CAF yamuhanishije kudakina imikino itatu, ikanashyiraho ihazabu ya $5,000 nk’ibihano nyuma yo kumushinja imyitwarire mibi yabaye mu mukino batsinzemo MC Alger i Kigali ku wa 21 Ugushyingo.
Icyo gihe, nyuma y’umukino warangiye ari 2-1,habayeho akavurungano hagati y’abakinnyi n’abatoza b’impande zombi, bituma Komisiyo ya CAF ishinzwe imyitwarire itangiza dosiye yihariye ku byabaye. Nyuma yo kubisuzuma, iyi komisiyo yafashe umwanzuro wo guhagarika Girumugisha imikino itatu ndetse inahana Al Hilal ihazabu ya $15,000.
Gusa iyi komisiyo yanatangaje ko mpamvu ifatika yerekana ko Girumugisha yaba yarateye icupa cy’amazi ku ntebe y’abatoza ba MC Alger nk’uko byari byatangajwe mbere, nubwo andi makosa yamuhamye ari yo yatumye ahanwa.
INDI NKURU WASOMA :Volleyball : APR yigaranzuye Police ubwo RRA yatsindwaga na Kepler
Kubera ko ibihano byahise bitangira kubahirizwa kuva ku wa Gatanu, bivuze ko Girumugisha atazitabira umukino wa Lupopo ndetse n’indi mikino ibiri Al Hilal izahura na Mamelodi Sundowns, haba mu rugo ndetse no hanze.
Iki cyemezo nticyashimishije na gato ubuyobozi bwa Al Hilal, bwahise butangaza ko bugiye guhita bujurira. Ubuyobozi bwayo bwagize buti: “Turi mu nzira z’ubujurire none, kandi turagerageza imbaraga zose ngo iki cyemezo gisubirweho.”
Girumugisha waguzwe na Al Hilal mbere y’uyu mwaka w’imikino, amaze kwigaragaza nk’umwe mu by’ingenzi mu busatirizi bw’iyi kipe.
Mu mukino batsinzemo MC Alger, ni we watanze umupira wavuyemo igitego cya mbere cyatsinzwe na Abdelrazig Omer Yagoub.
KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c
