Umutoza w’Umufaransa Patrick Vieira yasezeye ku mirimo ye yo gutoza ikipe ya Genoa CFC yo mu Butaliyani, ku bwumvikane bw’impande zombi .
Iyi kipe iri ku mwanya wa nyuma muri Serie A, ikaba itarigeze itsinda umukino n’umwe w’irushanwa muri uyu mwaka w’imikino.
Nk’uko byatangarijwe mu itangazo rigufi ryashyizwe hanze n’iyi kipe, Genoa yavuze ko Patrick Vieira atakiri umutoza w’ikipe nkuru.
Iri tangazo ryakurikiwe n’amakuru yemejwe n’inshuti ya hafi ya Vieira yabwiye ikinyamakuru BBC ko ari we watangije ibiganiro byo gutandukana n’ikipe mu ijoro ryo ku wa Gatanu tariki ya 31 Ukwakira 2025.
Vieira, w’imyaka 49, yageze muri Genoa mu Ugushyingo 2024 asanga ikipe iri ku mwanya wa 17 muri shampiyona. Nubwo yatangiye neza, ayifasha gusoreza ku mwanya wa 13 umwaka ushize nyuma yo gutsinda imikino umunani no kunganya icyenda mu mikino 26, uyu mwaka ibintu byaramugoye cyane.
Mu mikino icyenda ya Serie A yari amaze gutoza uyu mwaka, Genoa yatsinzwemo inshuro esheshatu, atsinda inshuro ebyiri gusa nayo yo mu mikino ya Coppa Italia – ibintu byagize uruhare rukomeye mu kugena itandukana rye n’iyi kipe.
Mu itangazo ryayo, Genoa yashimiye Vieira n’abari bamwungirije ku bw’umuhate, ubunyamwuga n’akazi katoroshye bakoze, ibifuriza ibyiza mu rugendo ruri imbere.
Patrick Vieira, wahoze ari umukinnyi ukomeye wo hagati mu kibuga, yamenyekanye cyane akinira Arsenal FC aho yegukanye ibikombe bitatu bya Premier League na bine bya FA Cup.
INDI NKURU WASOMA : Tanzania : Imyigaragambyo yahagaritse imikino ya shampiyona
Yegukanye kandi ibikombe mu makipe ya AC Milan, Inter Milan na Manchester City. Mu rwego mpuzamahanga, yafashije Ubufaransa kwegukana Igikombe cy’Isi mu 1998 na Euro yo mu 2000.
Nyuma yo gusezera ku gukina muri 2011, Vieira yatangiriye urugendo rw’ubutoza muri New York City FC mu 2016, asubira i Burayi atoza Nice aho yasoreje ku mwanya wa karindwi muri Ligue 1. Yirukanywe muri 2020, nyuma aza gutoza Crystal Palace mu Bwongereza, aho yagejeje ikipe muri 1/2 cya FA Cup.
Nyuma yo gutakaza imikino 12 idatsinda muri 2023, Vieira yasezerewe na Palace, ahita yerekeza muri RC Strasbourg, aho yatandukanye n’iyo kipe mu kwa Karindwi 2024.
KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_
