Ubuyobozi bwa Police FC yo muri Kenya bwatangaje ko bwatandukanye n’umutoza wayo mukuru, Étienne Ndayiragije, hamwe n’abungiriza be, nyuma y’umwaka urenga bari bamaze bakorana.
Nk’uko byatangajwe ku wa Gatatu, tariki ya 29 Ukwakira 2025, biciye ku rukuta rw’iyi ikipe rwo ku rubuga rwa X , ubuyobozi bwa Police FC bwemeje ko impande zombi zumvikanye gutandukana mu mahoro.
Ubutumwa bashyize hanze bwagiraga buti:“Turashimira Bwana Étienne Ndayiragije ku bwitange n’ubunyamwuga yagaragaje mu gihe yari umutoza wacu. Yaduhesheje ibihe byiza n’intsinzi zikomeye, by’umwihariko igikombe cya shampiyona ya 2024/2025. Tumwifurije amahirwe masa mu rugendo rwe rushya.”
Uyu mutoza w’Umurundi ufite izina rikomeye muri Afurika y’Iburasirazuba, yinjiye muri Police FC mu ntangiriro za 2024, aturutse muri Kagera Sugar yo muri Tanzania.
Mu gihe gito yamaze aha Kenya, yazamuye urwego rwa Police FC kugeza ku ntsinzi itari yatunguranye, ubwo yegukanaga igikombe cya shampiyona ku nshuro ya mbere mu mateka yayo.
INDI NKURU WASOMA ; Mamadou Sy na Yussif Dauda bahawe imbabazi ziherekejwe na gasopo
Nyuma y’iyo ntsinzi, iyi kipe yabonye itike yo guhagararira Kenya muri CAF Champions League 2025/2026, ariko urugendo rwayo rwarangiriye mu ijonjora rya kabiri, isezerewe na Al Hilal SC yo muri Sudan.
Mu mukino wo kwishyura wabereye i Khartoum, Police FC yatsinzwe ibitego 3-1, biyikuraho amahirwe yo kugera mu matsinda.
Amakuru aturuka imbere muri iyi kipe avuga ko uku gutsindwa kwa Al Hilal kwateye igitutu gikomeye ku buyobozi, ari na bwo byabaye intandaro yo gusubirwamo kw’amasezerano y’uyu mutoza w’imyaka 46 .
Etienne Ndayiragije yatoje amakipe arimo Vital’o y’i Burundi, Azam yo muri Tanzania ndetse n’ikipe y’igihugu ya Tanzania, mu Rwanda atoza Kiyovu Sports na Bugesera.
KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_
Must See
