Umukinnyi mpuzamahanga ukomoka mu gihugu cya Morocco, Hakim Ziyech wakiniye ikipe ya Chelsea yo mu bwongereza, Yamaze kumvikana n’ikipe ikomeye muri Shampiyona y’iwabo muri Morocco kuzayikinira kugeza muri 2027,
Wydad Athletic Club niyo yatangajeko yasinyishije uyu mukinnyi w’Imyaka 32 y’amavuko, Nyuma yo gutandukana na Al-Duhail nk’umukinnyi wigurisha ku giti cye ‘Free Agent’. Ziyech muri Al-Duhail ntibyamuhiriye kuko yakiniye iyo kipe imikino 13 atsinda igitego 1 atanga n’umupira 1 gusa wavuyemo igitego, Mu mezi 6 yakiniye iyo kipe yo muri Qatar.
INDI NKURU WASOMA: Virgil van Dijk yavuze icyatumye Liverpool ihita isubiza mu buryo bukomeye!
Hakim Ziyech benshi bamumenye ubwo yakiniraga ikipe ya Ajax yo mu buholandi, Ari naho yaje kuva yerekeza muri Chelsea kuri miliyoni 40 z’amayelo. Andi makipe yose Ziyech yakiniye nyuma ya Chelsea harimo Galatasaray na Al-Duhail zose yagiyemo nk’umukinnyi uri ‘Free Agent’, Harimo na Wydad Athletic Club yo muri Morocco yerekejemo.
Ziyech ikipe yakiniye imikino myinshi muri kariyeri ye ya ruhago ni Ajax yakiniye imikino 165 ayitsindira ibitego 49 aho yatanze imipira 76 yavuyemo ibitego, Chelsea niyo ikurikira yayikiniye imikino 107, Atsinda ibitego 14 atanga imipira 13 yavuyemo ibitego.
Mu ikipe y’Igihugu ya Morocco, Amaze kuyikinira imikino 64, Atsinda ibitego 25 Aho amaze gutanga imipira 12 yavuyemo ibitego.
Ikindi wamenya kandi ni uko Hakim Ziyech yakiniye amakipe y’abato y’Igihugu cy’Ubuholandi yakuriyemo akiri Umwana, Aho yakiniye Ubuholandi bw’abatarengeje imyaka 19,20 na 21, Muri 2015 nibwo yahise afata icyemezo cyo gukinira igihugu cye cy’Amavuko cya Morocco ubwo yari afite imyaka 22.
Ziyech kandi yatwaye UEFA Champions League na Chelsea mu mwaka wa 2021 hamwe FIFA Club World Cup na UEFA Super Cup byo muri Uwo mwaka, Ari mu bakinnyi kandi bafashije Morocco kwandika amateka yo kubera muri 1/2 cy’irangiza mu gikombe cy’Isi cyatwawe na Argentina 2022 muri Qatar.
Muri 2018, Yatwaranye na Morocco igikombe cy’Afurika Nyuma y’imyaka 3 gusa afashe icyemezo cyo gukinira igihugu cye cy’Amavuko.
KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://newseason-rw-login2.fortebet.info/?pref_device=desktop&utm_source=thedrum_rw&utm_medium=leaderboardHP&utm_campaign=January2025_week40#/app/offer/top
