Gonçalo Ramos yakoze mu ijisho Barcelona : Champions League yakomeje

Mu ijoro ryo kuri uyu wa Gatatu, hakomezaga umunsi wa kabiri w’imikino ya Champions League, Paris Saint-Germain yatsinze igitego cya kabiri mu minota ya nyuma kiyifasha gutsinda FC Barcelona mu buryo bwatunguye benshi, Mu gihe Erling Haaland yujuje imikino 50 muri iri rushanwa atsinda ibitego bibiri. Borussia Dortmund nayo yongeye kwinjiza ibitego bine, bikomeza kwerekana ko iri mu makipe akomeye muri uyu mwaka.

Mu mukino wari utegerejwe cyane, Paris Saint-Germain yatsinze FC Barcelona ibitego 2-1 ku kibuga cya Estadi Olímpic. Ferran Torres yafunguye amazamu ku ruhande rwa Barça, ariko PSG yaje kwishyura mbere yuko igice cya mbere kirangira binyuze kuri Senny Mayulu.

INDI NKURU WASOMA : Amateka , imikino iheruka kubahuza n’ubunararibonye bivuga iki kuri APR FC imbere ya Pyramids

 Igitego cy’intsinzi cyabonetse ku munota wa 90 gitsinzwe na Gonçalo Ramos nyuma yo guhabwa umupira mwiza na Achraf Hakimi. Nuno Mendes ni we wahawe igihembo cy’umukinnyi w’umukino.

Mu Bufaransa, Erling Haaland yitwaye neza mu mukino wa 50 wa Champions League atsindira Manchester City ibitego bibiri mu mukino banganyijemo na Monaco 2-2. Monaco yabaye ikipe igoye cyane, ikabona penaliti ya nyuma ku munota wa 90 yinjijwe neza na Eric Dier. Haaland yagejeje ku gitego cya 52 muri Champions League, ashimangira ko ari mu bakinnyi bakomeye ku Isi.

Borussia Dortmund nayo yatsinze Athletic Club ibitego 4-1. Daniel Svensson, Carney Chukwuemeka, Serhou Guirassy na Julian Brandt nibo baboneye Dortmund ibitego, mu gihe Gorka Guruzeta yatsindiye Athletic igitego kimwe. Ni umukino wa kabiri wikurikiranya Dortmund itsinda ibitego bine.

Mu yindi mikino yabaye:

• Arsenal yatsinze Olympiacos 2-0, Gabriel Martinelli na Bukayo Saka nibo baboneye “Gunners” ibitego, mu gihe Martin Ødegaard yatowe nk’umukinnyi w’umukino. 
• Qarabağ yo muri Azerbaïdjan yatsinze Copenhagen ibitego 2-0, ikomeza kuyobora itsinda ryayo nta ntsinzi n’imwe itakaje. 
• Newcastle United yatsinze Union Saint-Gilloise ibitego 4-0, ari nabyo byinshi yatsinze mu mateka yayo ya Champions League, Anthony Gordon atsinda penaliti ebyiri. 
• Leverkusen yanganyije na PSV Eindhoven 1-1, umukinnyi ukiri muto Christian Kofane atsindira Leverkusen, ariko Ismael Saibari wa PSV ahita yishyura. 
• Napoli yatsinze Sporting CP 2-1, ibitego byombi byinjijwe na Rasmus Højlund wahawe umupira na Kevin De Bruyne. 
• Villarreal yanganyije na Juventus 2-2, aho Renato Veiga yatsinze igitego cy’ubutsinzi ku munota wa nyuma w’umukino.KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere, Kanda munsi 👇👇👇

  https://newseason-rw-login2.fortebet.info/?pref_device=desktop&utm_source=thedrum_rw&utm_medium=leaderboardHP&utm_