Ikipe ya APR Fc niyo izahagarira u Rwanda mu mikino ya nyuma ya CECAFA Kagame Cup 2025, Izaba mu kwezi gutaha kwa Nzeri mu gihugu cya Tanzania.
Ikipe ya APR Fc nyuma yo gusoza irushanwa ry’Inkera y’Abahizi yitwaye nabi, Igiye kwerekeza mu gihugu cya Tanzania, Aho izaba igiye gukina CECAFA Kagame Cup igiye kuba ku nshuro ya 45.
APR Fc niyo kipe ihabwa amahirwe yo kwegukana iryo rushanwa kuko irusha amateka yo muri CECAFA, Izindi 11 zose zizakina iryo rushanwa rya CECAFA Kagame Cup 2025.
Amakipe yose uko ari 12 azitabira CECAFA Kagame Cup 2025;
APR Fc (Rwanda), Flambeau du Centre (Burundi), Vipers SC (Uganda), Mlandege SC (Zanzibar), Singida Black Star (Tanzania),Police Fc (Kenya) Al Hilal Omdurman (Sudan), Alahly SC Wad Madani (Sudan), El Merriekh SC Bentiu (South Sudan), Garde Cotes FC (Djibouti),Ethiopian Coffee SC (Ethiopia), Mogadishu City Club (Somalia).
Impamvu APR Fc iri mu makipe ahabwa amahirwe ko yakwegukana CECAFA Kagame Cup 2025;
Umwaka ushize wa 2024 APR Fc yakinnye umukino wa nyuma itsindwa kuri Penaliti 10-9 na Red Arrows Star yo muri Zambia, Nyuma yo gusoza iminota 90′ amakipe yombi anganya igitego 1 kuri 1.
Mu makipe yose azitabira uyu mwaka, APR Fc niyo yatwaye yonyine CECAFA Kagame Cup inshuro 3, Mu mwaka wa 2004, 2007, 2010 kandi mu myaka 10 ishize niyo yakinnye umukino wa nyuma kenshi kuko yabikoze 2015 na 2024
Andi makipe ahabwa amahirwe ni Police Fc ya Kenya, Umwaka dusoje w’imikino niyo yatwaye shampiyona ya Kenya ku nshuro ya mbere, Singida Black Star yo muri Tanzania, Iri mu makipe azahagararira Tanzania mu mikino ny’Afurika kuko bazakina na Rayon Sports mu ijonjora rya mbere ry’ibanze rya CAF Confederation Cup 2025.
Al Hilal Omdurman na Vipers SC yo muri Uganda, Nazo ziri mu makipe azaba ahabwa amahirwe yo kwegukana iryo rushanwa bitewe n’uko zisanzwe zitwara n’Ibihugu ziturukamo.
Biteganijwe ko uyu munsi haza kuba tombora y’uko amakipe aza kugabanwa mu matsinda, Ubundi tariki ya 2 kugeza 15 Nzeri 2025, Irushanwa nyirizina rigakinwa muri ibyo bihe.
Tubibutseko APR Fc, izerekeza muri Tanzania bitarenze tariki ya 30 uku kwezi kwa Kanama, Kandi ntizaba ifite abakinnyi bayo 5, Bahamagawe mu ikipe y’Igihugu Amavubi aribo Niyomugabo Claude, Ombarenga Fitina, Ishimwe Pierre, Nduwayo Alex, Mugisha Gilbert uzwi nka Barafinda.
