Depite Mukabalisa Germaine yongeye kwandika amateka mu mikino ihuza Abadepite n’Abasenateri bo mu bihugu bigize Umuryango wa Afurika y’Iburasirazuba (EAC), aho yegukanye umudali wa Zahabu mu gusiganwa ku maguru metero 400 ndetse n’uw’Umuringa muri metero 100.
Ni intsinzi yaje ikurikira izindi yari aherutse kubona mu marushanwa yabereye i Kigali mu mwaka ushize, ikaba ikomeza kumushyira mu bakinnyi bakomeje kwitwara neza muri iri rushanwa.
Mu bagabo, Nyabyenda Damien nawe yegukanye umudali wa Feza mu gusiganwa metero 400, bityo u Rwanda rukomeza kwegukana indi midali ruri gutahanira muri iyi mikino.
Iyi mikino yatangiye ku wa 6 Ukuboza kugeza ku wa 15 Ukuboza 2025 ibera i Kampala muri Uganda, ihuza abanyamuryango b’Inteko Zishinga Amategeko bo mu bihugu byose bigize EAC.
U Rwanda rwoherejeyo amakipe atandukanye arimo Volleyball y’abagabo n’abagore, umukino wo kumasaha (chess), Golf n’abasiganwa ku maguru.
INDI NKURU WASOMA :Arne Slot yasize Mohamed Salah mu bakinnyi yajyanye mu Butaliyani
Muri 2023, Depite Mukabalisa na bwo yari yatwaye umudali wa Zahabu muri metero 400 mu mikino yabereye mu Rwanda, mu gihe muri 2022 i Juba muri Sudani y’Epfo yitwaraga neza akegukana Umuringa.
Aba bombi bashimiwe na bagenzi babo bari babaherekeje ndetse n’abayobozi b’itsinda ry’u Rwanda, bavuga ko intsinzi zabo ari icyizere cy’uko u Rwanda ruzasoza aya marushanwa rugaragaje imbaraga zidasanzwe mu mikino itandukanye.
Iyi mikino ya EAC iba buri mwaka igamije guteza imbere ubufatanye bwa politiki n’imibanire myiza hakoreshejwe siporo, bikaba bihuza abashingamategeko mu buryo bubafasha kubaka umubano n’ubushuti butambutse urwego rw’imirimo ya buri munsi.
KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi👇👇👇
https://www.fortebet.rw/?pref_device=desktop&utm_so
Must See
