Mu mukino w’umunsi wa kane wa Premier League, ikipe ya Arsenal yatsinze Nottingham Forest ibitego 3-0, ikomeza kuza ku isonga ry’amakipe ahatanira igikombe.
Uyu mukino watangiye mu masaha yo gufata ibya saa sita yo ku wa Gatandatu, wagaragayemo impinduka zikomeye ku ruhande rwa Arsenal, by’umwihariko ku bakinnyi bashya nka Martin Zubimendi na Viktor Gyokeres.
Martin Zubimendi, umukinnyi wo hagati w’Umunya-Esipanye, yafunguye amazamu ku munota wa 32, atsinze igitego cyiza nyuma yo gutera umupira w’ishoti rikomeye ku mupira wari uvuye muri koruneri ukaruhukira mu izamu rya Mat Selz. Iki gitego cyari icya mbere yinjije kuva yagera muri Arsenal.
INDI NKURU WASOMA BIFITANE ISANO ; CECAFA KAGAME CUP : Al Hilal yatumye ibyifuzo bya APR FC byo kugera kuri Finale biba inzozi
Iminota 45 y’igice cya mbere cyarangiye ari igitego 1-0 .Eberechi Eze – undi mukinnyi mushya wa Arsenal yavanye muri Crystal Palace– yacenze ba myugariro ba Forest ahereza Gyokeres umupira mwiza ahita awushyira mu rushundura, atsinda igitego cya Kabiri cya Arsenal.
Ange Postecoglou, wari ugiye gukina umukino we wa mbere nk’umutoza mushya wa Nottingham Forest, yahuye n’uruva gusenya. Uyu mutoza wahoze muri Tottenham yahawe akazi kuwa Kabiri w’icyumweru cyashize, nyuma yo kwirukanwa kwa Nuno Espírito Santo.
Igice cya kabiri cyakomereje ku muvuduko wa Arsenal, ndetse ku munota wa 79, Zubimendi yongeye gutsinda igitego cya gatatu, ku mupira mwiza yahawe na Leandro Trossard.
Iki gitego cyari icya kabiri cye muri uwo mukino, ari na cyo gitego cya mbere abashije gutsinda incuro ebyiri mu mukino umwe kuva atangiye gukina umupira w’umwuga.
Umunyezamu David Raya yasoje uyu mukino atinjijwe igitego, agira umukino wa 100 akozemo ibi akinira Arsenal.
Uyu mukino wasize Arsenal ikomeje kwitwara neza, itsinze imikino 3 mu 4 ya mbere ya Premier League, aho yatsinzwe umukino umwe gusa na Liverpool.
Imibare twakuye muri uyu mukino:
- Arsenal imaze gutsinda imikino 3 yikurikiranya mu rugo muri Premier League uyu mwaka.
- Viktor Gyokeres yabaye umukinnyi wa gatatu wa Arsenal utsinze mu mikino ye ibiri ya mbere akinira mu rugo muri Premier League.
- Eberechi Eze yabaye Umwongereza wa mbere utsinze cyangwa agatanga assist ku mukino we wa mbere atangiyemo mu kibuga nyuma ya Alex Oxlade-Chamberlain mu 2012.
- Leandro Trossard yageze uruhare rw’ibitego bingana na 50 (ibitego 28, assists 22) mu mikino yakiniye Arsenal.
Ushaka gutega ku mukino itandukanye utavuye aho uri kandi ku bikubo utasanga ahandi mu Rwanda gana Forte Bet ;niba utariyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere : 👉👉👉👉 fortebet.rw .
