Mu gihe isoko ry’igura n’igurisha ry’abakinnyi rigende rigera ku musozo, amakipe akomeye yo mu Bwongereza arimo gukaza umurego mu gushaka gusinyisha amaraso mashya, kongera amasezerano y’abakinnyi b’ingenzi babo no kwirinda igihombo gituruka ku bakinnyi bashobora kugenda ku buntu [free agents].
Reka turebere hamwe amwe mu makuru avugwa mu makipe atandukanye nka Manchester United, Arsenal, Liverpool n’andi abyutse yandikwa mu binyamakuru bikomeye ku mugabane w’u Burayi .
- Manchester United irifuza Elliot Anderson
Ikipe ya Manchester United iri mu biganiro bikomeye byo gushaka gusinyisha umukinnyi wo hagati wa Nottingham Forest, Elliot Anderson, w’imyaka 22 y’amavuko. Uyu mukinnyi w’ikipe y’igihugu y’u Bwongereza amaze kugaragaza impano idasanzwe muri Premier League, bikaba byaramuteye atangira gutekerezwa n’amakipe akomeye. [IVOMO; Football Insider &The Standard]
INDI NKURU WASOMA BIFITANYE ISANO : CECAFA KAGAME CUP : APR FC yiyongereyemo amaraso mashya mbere yo gukina 1/2
2.Arsenal irashaka kongera amasezerano ya Bukayo Saka na William Saliba
Mu yindi nkuru nziza ku bafana ba Arsenal, ubuyobozi bw’iyi kipe buri kuganira n’abakinnyi babiri bakomeye: Bukayo Saka na William Saliba, bombi bafite imyaka 24. Aya masezerano mashya byemezwa ko azatuma baguma muri kipe kugeza nibura nyuma ya 2027.[IVOMO : Talk Sports & Team Talk]
3.Andre Onana ashobora kujya muri Trabzonspor nyuma yo kwanga andi makipe
Umunyezamu w’Umunya-Kameruni, André Onana, ari hafi gutizwa muri Trabzonspor yo muri Turukiya. Nubwo mu mpeshyi yari yifujwe n’amakipe arimo Monaco, ariko we yahisemo kuguma muri United kuko yari yizejwe n’umutoza Amorim ko azamugirira icyizere nk’umunyezamu wa mbere. Kugeza ubu, ibyo bisa nk’ibitangiye guhinduka.[IVOMO : The Guardian & The Telegraph]
4.Abandi bakinnyi bari mu nzira zo gusohoka mu makipe yabo
Tyrell Malacia, myugariro ukina ku ruhande rw’ibumoso w’imyaka 26 wa Manchester United, ashobora gutizwa muri Eyupspor yo muri Turukiya, mu gihe Liverpool na Manchester United zurimo gukurikirana umusore muto w’imyaka 18 ukina muri Ajax witwa Aaron Bouwman.
Fabio Vieira, umukinnyi wo hagati w’imyaka 25 watijwe na Arsenal muri Hamburg, ashobora kugurwa burundu kuri miliyoni 20 z’ama-euro, naho Aymeric Laporte w’imyaka 31 wigeze gukinira Manchester City, aracyategereje ko FIFA yemera ko yagaruka muri Athletic Bilbao avuye muri Al-Nassr.[IVOMO : Sky Sports & The Sun ]
- ibyo gusohoka kwa Casemiro na Jonathan David bikomeje kuzamo akaduruvayo
Nubwo hari amakuru yavugaga ko Casemiro yaba agiye kwerekeza muri Arabia Saudite, gusa ubu birasa n’aho azaguma muri United kugeza amasezerano ye arangiye mu mpeshyi itaha, kubera ko umutoza akimubonamo intwaro ikomeye. Ku rundi ruhande, Inter Milan yagaragaje ko yifuzaga Jonathan David mbere y’uko yerekeza muri Juventus ku buntu.[IVOMO : London Standard & Sports]
