Mu gitondo cyo kuri uyu wa kabiri Ikipe y’Igihugu y’u Rwanda, Amavubi yarekeje muri Nigeria gukina imikino yo gushaka itike y’Igikombe cy’Isi cya 2026.
Biteganyijwe ko umukino w’umunsi wa 7, U Rwanda ruzakina na Nigeria tariki ya 6 Nzeri 2026, Saa 18:00 kuri Stade ya Uyo muri Nigeria.
Ku kibuga cy’Indege mpuzamahanga cya Kigali I Kanombe nk’ibisanzwe niho iyo kipe y’Igihugu yahagurukiye, Amavubi yahagurukanye n’itsinda (Delegation) ry’Abantu 44 muri rusange (Ariko 39 nibo bafashe rutema ikirere berekeza muri Nigeria .
Perezida mushya w’Ishyirahamwe ry’Umupira w’Amaguru mu Rwanda, Dr Shema Ngoga Fabrice niwe wari uyoboye iyo delegation yavuye mu Rwanda.
Abakinnyi 20 nibo bahagurukiye mu Rwanda abandi 4 barimo Buhake Twizerimana Clement, Phanuel Mabaya Kavita, Kwizera Jojea na Mugisha Bonheur baza guhurira n’Abandi I Lagos mu murwa mu kuru wa Nigeria , Bakomezanye muri Uyo aho amakipe yombi azakinira.
Biteganyijwe ko Amavubi aza kugera muri Nigeria Saa 14h15 I Lagos, Ubundi Saa 17h00 berekeza Uyo aho bazakinira, Kandi Bazaba baba muri Hotel IBOM Hotel Uyo.
Tubibutseko umukino ubanza ikipe y’Igihugu y’U Rwanda Amavubi yatsinzwe na Nigeria kuri Stade Amahoro I Remera ibitego 2-0.
U Rwanda ni urwa kabiri mu itsinda C, Aho rufite amanota 8, Mu gihe Nigeria ifite amanota 6, Afurika y’Epfo ikagira 13 ari nayo iyoboye itsinda.
Benin ifite amanota 8 mu gihe Zimbabwe u Rwanda ruzahita rajya gukina nayo bafite amanota 4 mu gihe Lesotho ifite amanota 5.
