Ikipe ya Rayon Sports y’Abagore ikomeje kwitegura imikino ya CAF Women Champions League CECAFA, Igiye kubera muri Kenya uyu mwaka w’Imikino.
Tariki ya 2 Nzeri 2025, Nibwo biteganyijwe ko Rayon Sports y’Abagore, izaba yageze muri Kenya kuko biteganyijwe ko ari bwo CECAFA izakira amakipe yose azakina iryo rushanwa.
Biteganijwe ko kandi mu minsi itarenze 3 Rayon Sports y’Abagore izahaguruka mu Rwanda na Bus berekeza muri Kenya, Aho Bazahagurukira Nyabugogo, bakore urugendo rw’Amasaha 24 ku girango bagere mu murwa mukuru wa Kenya, I Nairobi.
Mbere y’Uko abakinnyi bagenda barasaba hari ibyo basaba ubuyobozi bw’Ikipe yabo:
1. Barasaba ko bahabwa byibura imishahara y’Amezi 2 mu mezi 6 bababereyemo.
2. Barasaba ko bazamurirwa impamba y’Akazi bazatwara muri Kenya (Mission) aho kuba Amadorali 100 ikaba Amadorali 200 y’Amerika.
3. Abakinnyi ba Rayon Sports bavugako imyambaro bakoresha bakinana ubu yamaze gusaza, Bibaye byiza bahabwa indi kuko bagiye guhagarira igihugu.
4. Bafashijwe bakabona uko babona Indege ibageza muri Kenya nabo barushaho kwitwara neza kuko urugendo rw’Imodoka bazakora ruzabateza umunaniro kandi imikino iri hafi gutangira.
The Drum dukora iyi inkuru twamenyeko, Ishyirahamwe ry’Umupira w’Amaguru mu Rwanda, Ferwafa ryemeye gutanga Miliyoni 10, N’Uruganda rwa Skol rutanga rwemera gutanga Miliyoni 8 z’amanyarwanda yose aba Miliyoni 18, Gusa ayo mafaranga yonyine ntabwo yacyemura ibyo bibazo byose bafite.
Umuntu wese wagira icyo akora yafasha iyi kipe kuko, Igiye guhagarira abanyarwanda kandi ibizayibaho byose ubwo izaba yerekeje muri Kenya, Bizandikwa mu mateka y’Umupira w’Amaguru w’Abagore mu Rwanda.
Rayon Sports y’Abagore iri mu itsinda B, Muri CAF Women Champions League, CECAFA 2025.
