Bruno Ferry yasubiye mu kazi mbere yo guhura na Al- Hilal SC

Umutoza wa Rayon Sports, Bruno Ferry, yamaze kugera mu Rwanda ndetse ahita atangira imyitozo itegura umukino ukomeye uzahuza Gikundiro na Al-Hilal SC, utegerejweho kongera guhesha ibyishimo abakunzi b’iyi kipe nyuma yo gutsindwa na mukeba .

Mu gitondo cyo kuri uyu wa Gatanu tariki 16 Mutarama 2026, ni bwo uyu mutoza w’Umunyafaransa yageze mu Rwanda, agaruka gukomeza inshingano ze nyuma y’igihe yari amaze mu Bufaransa yita ku mubyeyi we wari ufite uburwayi.

Muri icyo gihe, ikipe yari yarasigaye itozwa n’umutoza wungirije, Lomami Marcel.Akimara kugera mu gihugu, Bruno Ferry ntiyatinze kwinjira mu kibuga cy’imyitozo, aho yatangiye gutegura abakinnyi be umukino afata nk’ingenzi cyane.

Ni umukino ugiye kuba ikizamini gikomeye kuri we, cyane ko Rayon Sports iheruka kunyagirirwa na APR FC ibitego 4-1 mu mukino wa FERWAFA Super Cup, igisubizo abakunzi bayo bagitegereje.

INDI NKURU WASOMA:Manchester United yiyongereye amahirwe yo gusinyisha Carlos Baleba

Uyu mutoza yasize yahagaritse rutahizamu Ndikumana Asman kubera kutubahiriza amabwiriza y’ikipe, bityo bikaba bitazwi niba azagaragara muri uyu mukino.

Icyakora, amakuru ava mu myitozo avuga ko Fall Ngagne ashobora kongera kugaruka mu kibuga, nyuma y’amezi 11 yari amaze hanze kubera imvune, bikaba byitezweho kongera imbaraga mu busatirizi bwa Rayon Sports.

Kuri ubu, Rayon Sports iri ku mwanya wa cyenda ku rutonde rwa Shampiyona y’u Rwanda n’amanota 24, mu gihe Al-Hilal SC iyirusha igakomeza kuba iya kabiri n’amanota 32.

Umukino utegerejwe n’abafana benshi uteganyijwe ku wa Gatandatu tariki 17 Mutarama 2026, kuri Stade Amahoro,