FERWACY yatangaje umuyobozi mushya muri Tour du Rwanda

Ishyirahamwe ry’Umukino wo Gusiganwa ku Magare mu Rwanda (FERWACY) ryatangaje ko Nkurayija Hubert ari we uhawe inshingano zo kuba Umuhuzabikorwa w’irushanwa rya Tour du Rwanda.

Ibi byatangajwe mu gitondo cyo kuri uyu wa Mbere, tariki ya 1 Ukuboza 2025, binyuze ku mbuga nkoranyambaga za FERWACY. Izi nshingano azaba azigiyemo asimbuye Kamuzinzi Freddy, wari usanzwe muri uyu mwanya.

Nkurayija Hubert azaba ari we uyobora ibikorwa byose bijyanye n’iri siganwa rikomeye. Ibyo bizahita bisobanura ko azaba ashinzwe igenamigambi, imyiteguro, ndetse no kugenzura uburyo ibikorwa byose bihurizwa hamwe mbere y’uko amasiganwa atangira.

Hubert asanzwe afite ubunararibonye mu mukino w’amagare, ndetse FERWACY ikaba ifite icyizere ko azagera ku ntego yo guteza imbere iri siganwa ndetse n’umukino w’amagare muri rusange.

Kuri ubu, FERWACY yanagaragaje ko izi nshingano za Hubert atari nshya, kuko amaze imyaka myinshi afasha mu gutegura Tour du Rwanda, ndetse yagiye akoramo mu myanya itandukanye.

Yakoze nka Accreditation Manager (umuyobozi ushinzwe abemerewe kwitabira irushanwa) mu masiganwa aheruka, ndetse anagira uruhare mu guha inama ibijyanye n’ikoranabuhanga. Mu myaka yashize, yagiye ashyira imbere udushya twafashije kuzamura ireme ry’amasiganwa, cyane cyane mu bijyanye n’ubunyamwuga.

INDI NKURU WASOMA :Ruhago y’Abagore : Rayon Sports yanyagiye AS Kigali ku munsi wa 7 wa shampiyona

Uretse kuba yaragize uruhare rukomeye mu gutegura no kuyobora Tour du Rwanda, Nkurayija Hubert ni umwe mu bakinnyi b’amagare bamenyekanye mu Rwanda no mu karere. Yakinnye umukino w’amagare ndetse akora no mu buyobozi bw’amakipe atandukanye. Kuva mu myaka yashize, yabaye Perezida wa Team Amani, imwe mu makipe akomeye mu karere k’Ibiyaga Bigari.

Kuri ubu, FERWACY yizeye ko Nkurayija Hubert azakomeza kuyobora Tour du Rwanda mu buryo bwiza, agashyiramo udushya twubaka umuryango w’amagare mu Rwanda no mu karere. Hubert azahita atangira izi nshingano asimbuye Kamuzinzi Freddy, wari umaze kurangiza amasezerano ye mu myanya y’ubuyobozi.

Tour du Rwanda 2026 iteganyijwe gutangira ku itariki ya 22 Gashyantare 2026, igasozwa ku itariki ya 1 Werurwe 2026.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c