Premier League : Arsenal yanganyije na Chelsea y’abakinnyi 10

Mu mukino wari witezwe na benshi kuri iki cyumweru, Arsenal yanganyije na Chelsea yari ifite abakinnyi 10, nubwo yakomeje kuguma ku mwanya wa mbere ku rutonde rwa Premier League nyuma yo kongeraho ikinyuranyo cy’amanota atanu hagati yayo na Manchester City.

Uku kunganyiriza ku kibuga cya Stamford Bridge kuje nyuma yaho umunya-Esipanye Mikel Merino, wakinishijwe nk’umwataka , yatsindiye Arsenal igitego cyo kunganya cyatumye umukino urangira ari 1-1.

 Ni igitego cyabonetse mu gihe gikwiriye, kikaba cyaje mu minota 11 gusa nyuma y’uko Chelsea yari imaze gufungura amazamu mu buryo bwatunguye abatari bake.

Umukino wahinduye isura mu munota wa 38, ubwo Moises Caicedo wa Chelsea yerekwaga ikarita itukura nyuma y’uko VAR yemeje ko yakoreye Merino amakosa akabije, amukandagira ku kagombambari.

 Iyi yari ikarita itukura ya gatandatu Chelsea ibonye muri uyu mwaka w’imikino ikintu kibabaje kandi kibahombya kenshi iyi kipe y’I Londres.

Nubwo bari bake mu kibuga, Chelsea ni yo yafunguye amazamu hakiri kare mu gice cya kabiri. Trevoh Chalobah, wari uhagaze neza kuri koruneri, yazamuye umutwe mu buryo bworoshye ariko buhambaye, umupira uca hejuru ya David Raya unyerera ujya mu rushundura. Byari ibyishimo by’akanya gato kuko Arsenal yahise igaruka mu mukino.

INDI NKURU WASOMA :Thomas Frank yifatiye ku gahanga abakomeje gutuka umuzamu we

Bukayo Saka, wari wafashwe na Marc Cucurella wakomeje kumukorera amakosa menshi kugeza aho ahabwa ikarita y’umuhondo, ni we watanze umupira mwiza wavuyemo igitego cyo kunganya.

Merino yazamutse mu kirere asumba ba myugariro, atsindira Arsenal igitego cyiza cyarushijeho kongerera uburemere umukino wari umaze gufata isura y’umuriro mwinshi.

Chelsea yagerageje gushaka igitego cy’intsinzi binyuze kuri Pedro Neto, Liam Delap na Wesley Fofana, ariko Raya na ba myugariro ba Arsenal babyitwaramo neza.

Ku ruhande rwa Arsenal, guhangana nta Gabriel nta Saliba byari ikibazo, dore ko ari bwo bwa kabiri kuva 2021 batari kumwe mu mutima w’ubwugarizi.

Arsenal ubu imaze imikino 17 idatsindwa mu marushanwa yose iri gukina .

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c