Murenzi Abdallah yahakanye ibyo kurebana ay’ingwe na Skol

Nyuma y’amezi menshi Rayon Sports yibasiwe n’ibibazo by’ubwumvikane buke, byageze aho RGB yinjira mu mikorere yayo maze ubuyobozi bwari buriho bugaseswa, Murenzi Abdallah uherutse kugirwa Umuyobozi w’Inzibacyuho yatangaje byinshi byari bitaramenyekana ku mpamvu z’iri hindagurika ry’ubuyobozi.

Mu kiganiro yagiranye na RBA, Murenzi yavuze ko imvano y’ibi bibazo ari amategeko adasobanutse, akunze kuzamura urujijo mu nshingano z’inzego zitandukanye ziyobora ikipe.

 Ati: “Icyo nabonye ni uko abantu batakira kimwe impinduka. Iyo impinduka zije zikisanga mu bibazo by’imiyoborere, hakaba inzego nyinshi zigomba kumvikana ku buyobozi, birangira bigoranye. Ikibazo nyamukuru ni uguhuza abantu, ndetse n’amategeko atabisobanura neza.”

Murenzi asanga inzira ikwiye ari iyo kongera kubaka ubumwe bw’Abafana n’Abanyamuryango ba Rayon Sports, no guharanira ko ikipe yiyubakira ubushobozi bwayo aho kurindira ufite amafaranga ngo ayigireho ijambo. Avuga ko imishinga iriho, harimo Gikundiro 702#, izakomeza kandi ikanozwa.

Ku birebana n’amakuru yavugaga ko atumvikana na SKOL, umufatanyabikorwa mukuru w’ikipe, Murenzi yasobanuye ko ayo makuru nta shingiro afite.

Yagize ati: “Nta kibazo mfitanye na SKOL. Ibyavuzwe bishingiye ku bindi byabaye mu gihe nari muri FERWACY, bitagira aho bihurira n’imikoranire y’iki gihe. Ahubwo ni umufatanyabikorwa ukomeye kandi mwiza. Kandi si bo bonyine dushaka; intego ni uko hejuru ya 70% by’ingengo y’imari bituruka mu bafatanyabikorwa.”

Ku birebana n’amagambo amwe n’amwe yavugaga ko ashobora kwigizayo abo yasimbuye cyangwa ko Rayon Sports idafashwa na Leta, Murenzi yabigarutseho mu buryo butomoye. Yavuze ko ntawe uri ku ruhande, ko ubuyobozi bw’inzibacyuho bukorana n’ababanje bose nk’inama.

INDI NKURU WASOMA :FERWAFA yahaye ikaze Bonnie Mugabe uherutse guhabwamo inshingano

Ku kijyanye n’amikoro, yavuze ko Leta yagize uruhare rukomeye mu kugarura ituze muri iyi kipe no kuyihereza ahantu ho gukorera. “Abavuga ko Leta itadufasha baribeshya. Badufashije kongera guhagarara, natwe dusabwa gukoresha neza ayo mahirwe.”

Murenzi yasoreje ku gushimira abafana ba Rayon Sports ku rukundo n’imbaraga bakomeje kugaragaza, abizeza ko mu mezi atatu ari imbere hazamurikwa umutoza mushya .

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c