Shema Fabrice yahaye umukoro ukomeye ingimbi zihagarariye u Rwanda

Perezida w’Ishyirahamwe ry’Umupira w’Amaguru mu Rwanda (FERWAFA), Shema Ngoga Fabrice, yahaye umukoro ukomeye ikipe y’Igihugu y’Ingimbi zitarengeje imyaka 17 mbere yo kwerekeza mu mikino ya CECAFA U17 izabera muri Éthiopie kuva ku wa 15 Ugushyingo kugeza ku wa 2 Ukuboza 2025.

Uyu muhango wabaye ku mugoroba wo ku Cyumweru, tariki 9 Ugushyingo 2025, ubwo iyi kipe yari imaze gukora imyitozo ya nyuma i Nyamirambo.

Shema Ngoga, wari kumwe n’umutoza mukuru w’Amavubi Adel Amrouche, n’umwungirije Eric Nshimiyimana, yabasabye gukina bafite umutima w’u Rwanda no guhesha ishema Abanyarwanda bose.

Shema Ngoga  ati : “Muragenda muhagarariye Igihugu cyanyu. Mukine mutekereza ko buri umwe wese ari intumwa y’u Rwanda. Muri abahagarariye indoto z’abana benshi b’Abanyarwanda,”.

Aba bakinnyi b’Ingimbi na bo bahaye isezerano abayobozi babo ko bazaharanira gutsindira igihugu cyabo, bahesha ishema amabara y’Ibendera ry’u Rwanda.

Mu kunganira na Perezida wa FERWAFA, abahoze bakinira Amavubi  barimo Jimmy Mulisa na Emery Bayisenge baganirije aba bana, babibutsa ko bafite ubushobozi bwo kugera kure kandi ko bagomba gukoresha amahirwe u Rwanda rwabahaye.

Bayisenge yababwiye  ati : “Ntimukibone nk’abana bato. Muri abakinnyi b’igihugu. Mwige gukina mufite icyerekezo cyo kuba abakinnyi bakomeye,”.

INDI NKURU WASOMA : Robert Lewandowski yafashije Barcelona kwegera Real Madrid

Muri uwo muhango, kandi, aba bakinnyi bashyikirijwe Ibendera ry’Igihugu, ribibutsa ko bagomba kurisigasira no kurirwanira kugeza ku munota wa nyuma w’irushanwa.

Iri rushanwa rya CECAFA rizahuza amakipe 10, rigabanyijwemo amatsinda abiri: u Rwanda ruri mu Itsinda A hamwe na Éthiopie, Kenya, Somalia na Sudan y’Epfo, mu gihe Itsinda B rigizwe na Uganda, Tanzania, Djibouti, Sudan n’u Burundi.

U Rwanda ruzatangira imikino yarwo ku wa 15 Ugushyingo 2025 rukina na Éthiopie iri mu rugo.

Amakipe atatu ya mbere muri iri rushanwa ni yo azahita yemererwa itike yo kwitabira Igikombe cya Afurika cy’Abatarengeje Imyaka 17 (CAN U17) cya 2026.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_campaign=week46#/app/offer/top