Rutahizamu wa APR FC yanyomoje ibihuha byamuvugwagaho !

Rutahizamu ukomoka muri Mauritania, Mamadou Sy, yatangaje ko nta kintu na kimwe kimuhangayikishije uretse gufasha ikipe ye ya APR FC gukomeza gutsinda no kugera ku ntego yihaye.

Ibi yabitangaje nyuma y’amakuru yagiye acicikana mu itangazamakuru avuga ko yaba ashaka gutandukana n’iyi kipe y’Ingabo z’Igihugu muri Mutarama 2026.

Mamadou Sy, usanzwe ari umwe mu bakinnyi b’ingenzi muri APR FC, avuga ko ibyo gutandukana n’ikipe bitari mu byifuzo bye.

Rutahizamu Mamadou Sy, Igitego yaraye atsinze Etincelles cyatumye agira ibitego 2, byatumye ikipe ye APR Fc ifata umwanya wa kabiri n’amanota 18 muri Shampiyona y’U Rwanda.

INDI NKURU WASOMA : Umutoza wa Tottenham Hotspur yifatiye ku gahanga VAR

Ibi byavuzwe nyuma y’uko habaye impaka hagati ye n’ikipe, by’umwihariko ubwo APR FC yari iri mu rugendo rwo kujya gukina na Pyramids FC muri Misiri, aho bamwe batangaje ko yashinjwaga imyitwarire mibi.

Icyakora, Sy atangaza ko ibyo bitamubangamiye, ahubwo ko ashyira imbaraga mu gukina no gufasha ikipe.

Yagize ati: “Oya, nkava muri APR FC nkajya he? Njye ndi hano nta kibazo, hari ibintu byinshi ngomba gukora. Ntabwo mbizi njye nkora akazi kanjye mu kibuga, ibisigaye byo hanze y’ikibuga ntabwo mbitindaho.”

Mamadou Sy ashimangira ko intego ye ya mbere ari ugutsinda buri mukino, kandi ko yiteguye guharanira kugera ku gikombe. Yavuze ko hakiri imikino myinshi, kandi ko atazahwema gukora cyane kugira ngo APR FC igere ku ntego yayo yo gutwara igikombe.

N’ubwo byavuzwe ko yaba afite intego yo gutandukana na APR FC, Sy arasaba abafana n’abandi bakurikiranira hafi iyi kipe kumwumva neza, kuko ibyo byavuzwe atari byo. Intego ye ni imwe gusa: gukora cyane akagirira akamaro ikipe ye ndetse no gufasha APR FC gutwara ibikombe.

Uyu mukinnyi wanatowe nk’umukinnyi w’umukino ku mukino ubwo APR FC yatsindaga Etincelles FC, arifuza ko iyi kipe ikomeza gukora neza kandi igatsinda imikino isigaye kugira ngo begukane igikombe.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c