AFCON 2026 : Cameroun ntago yamahagaye Andre Onana

Mu gihe hasigaye igihe gito ngo Igikombe cya Afurika (Afcon) kizabera muri Maroc gitangire ku wa 21 Ukuboza 2025, ikipe y’igihugu ya Cameroun yongeye kwinjira mu rungabangabo nyuma yo gusohora urutonde rutarimo amazina akomeye arimo n’umunyezamu Andre Onana.

Ibi bibaye mu gihe umutoza mukuru Marc Brys aherutse gutandukanywa n’ishyirahamwe ry’umupira w’amaguru muri Cameroun (Fecafoot), riyobowe na Samuel Eto’o, hagaragara ibirego bitandukanye birimo “kunanirwa kuzuza inshingano” ndetse no “uburiganya” mu mikorere ye.

Nyuma y’iminsi mike Eto’o atorewe kongera kuyobora Fecafoot, we na komite ye batangaje ko birukanye Brys mu itangazo ryari riremereye, rinagaragaza urutonde rw’amakosa yashingiweho.

INDI NKURU WASOMA:Amagare : Abanyarwanda batangiye neza muri Rwanda Epic

Ayo makosa arimo gutera abakinnyi guteza umwuka mubi, kwanga gutanga gahunda z’imyitozo, kutitabira inama, gusubiza inyuma umubano n’abaterankunga no kwirinda guhura n’itangazamakuru akoresheje uburyo butandukanye bwiswe “uburiganya”.

Brys wari wahawe akazi na Minisiteri ya Siporo mu kwezi kwa Mata 2024 ,yahise asimburwa n’umutoza wungirije David Pagou.

Uyu Pagou wari umenyerewe cyane muri shampiyona ya Cameroun ni we watangaje urutonde rw’agateganyo rw’abakinnyi 28 bagomba kwitabira Afcon, ariko rwatangaje benshi kubera ko rutagaragaramo amazina akomeye.

Mu bakinnyi basigaye inyuma harimo Onana, kapiteni Vincent Aboubakar, myugariro Michael Ngadeu ndetse na André-Frank Zambo Anguissa, uyu akaba ari we ufite ikibazo cy’imvune cyemejwe. Ku bandi ntihatangajwe impamvu.

Brys yirukanwe nyuma yo kunanirwa guha Cameroun itike y’Igikombe cy’Isi cya 2026 itsinzwe na DR Congo mu mikino ya kampara.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c