Ibirwa bya Maurice na Eritrea bongeye kwigaragaza -Africa Cycling Excellence Awards 

Ku mugoroba wo ku wa 29 Ugushyingo 2025, muri Zaria Court hatangwaga ku nshuro ya mbere ibihembo bya Africa Cycling Excellence Awards (ACEA) byateguwe n’Impuzamashyirahamwe y’Umukino w’Amagare muri Afurika (CAC).

Mu mwuka w’akanyamuneza kari kavanzemo ishema ryo kubona u Rwanda ruba urubuga rwo kwishimira intambwe uyu mukino uteye ku mugabane, abayobozi batandukanye barimo Umunyamabanga wa Leta muri Minisiteri ya Siporo, Rwego Ngarambe, Perezida wa CAC Yao Yao Allah-Kouamé n’intumwa za UCI, bari baje kwihera ijisho ibi bihembo .

Mu cyiciro cy’abagabo, umunsi wari uwa Biniam Girmay, Umunya-Eritrea ukomeje kuzamura ibendera rya Afurika ku rwego mpuzamahanga. N’ubwo atari i Kigali ngo yakirire igihembo mu ruhame, yashimwe nka nyiri intsinzi idashidikanywaho mu mwaka wa 2025.

Yagaragaje ubudasa mu marushanwa akomeye, by’umwihariko muri Tour de France aho yabaye uwa kabiri mu gace ka mbere akinira Intermarché–Wanty. Yahigitse Henok Mulubrhan ndetse na Milkias Maekele, bombi bari mu bahabwaga amahirwe.

Mu bagore, intsinzi yagiye ku Munya-Maurice , Kim Le Court, umukinnyi umaze kwandika izina mu mateka y’uyu mukino. Uyu mugore ukinira AG Insurance–Soudal, ni we mugore wa mbere wo muri Afurika wigeze kwambara umwambaro w’umuhondo muri Tour de France y’Abagore, akawumarana iminsi ine.

INDI NKURU WASOMA :RPL : Gicumbi FC itumye Rayon Sports imara imikino itatu idatsinda

Yanarushije abanya-Ethiopia Kahsay Tsige Kiros na Selam Amha Gerefiel. Uyu mwanya abo bombi bawuhataniraga ni wo watoranyijwemo abakobwa 18 barimo n’Abanyarwandakazi Ingabire Diane na Nirere Xaveline.

Mu batari abakinnyi b’umwuga, Paul Daumont wo muri Burkina Faso ni we wigaranzuye Tiémoko Diamouténé (Mali) na Blaine Kieck (Afurika y’Epfo).

Mu makipe, Eritrea yongeye kugaragaza ko ikiri ubudahangarwa ku rwego rwa Afurika, yegukana igihembo ihigitse u Rwanda n’ibirwa bya Maurice.

Mu guha agaciro n’agace k ’Afurika y’Iburasirazuba, Nsengiyumva Odette wo mu Burundi ni we wahize abandi mu bagore, mu gihe Charles Kagimu wo muri Uganda yegukanye igihembo mu bagabo.

Mu Rwanda, Masengesho Vainqueur wa Benediction  ni we wahize abandi mu bagabo naho mu bagore icyubahiro gihabwa Nirere Xaveline ukinira Team Aman, byanemejwe ko u Rwanda ruzongera kwakira ACEA mu 2026 .

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_so