Hatangajwe abagomba gufatanya na Minisitiri Nelly Mukazayire

Inama y’Abaminisitiri yateranye ku wa 28 Ugushyingo 2025 iyobowe na Perezida wa Repubulika, Paul Kagame, yafashe ibyemezo birimo no kongerera Minisiteri ya Siporo imbaraga mu buyobozi bwayo binyuze mu gushyiraho abayobozi bashya batatu.

Iyi Minisiteri yari imaze igihe ifite imyanya y’ubuyobozi ituzuye, ibintu byakunze kugarukwaho n’abakurikiranira hafi iterambere rya siporo mu Rwanda, bavuga ko bikomeje kugabanya umuvuduko w’ishyirwa mu bikorwa ry’imishinga minini.

Ibyemezo byafashwe kuri iyi nshuro bigaragaza ugushaka gukomeza kunoza imikorere no kongera ubushobozi bw’iyi Minisiteri.Abayobozi bashya bashyizwe muri Minisiteri ya Siporo barimo Gilbert Manier, wagizwe Umuyobozi Mukuru Ushinzwe Iterambere rya Siporo.

Ni we wasimbuye Rwego Ngarambe, uherutse kugirwa Umunyamabanga wa Leta muri Minisiteri ya Siporo. Manier asanzwe azwi mu bikorwa by’iterambere rya siporo n’imiyoborere yayo, akaba yashyizwe muri uyu mwanya mu gihe hari byinshi bitegerejwe ku bijyanye no kuzamura urwego rw’abakina siporo ndetse n’ubunyamwuga bw’amasosiyete n’amakipe akorera mu Rwanda.

Ku mwanya w’Umuyobozi Mukuru Ushinzwe Ibikorwaremezo, hashyizweho Christ Brave Bahire, wasimbuye Alex Redamptus Nshimiyimana, wari umaze igihe muri uwo mwanya.

INDI NKURU WASOMA :Murenzi Abdallah yahakanye ibyo kurebana ay’ingwe na Skol

Uyu murongo w’ibikorwaremezo urimo inyubako za siporo, ama-Arena n’ibindi bikorwa by’ubwubatsi bikomeje kwagura ubushobozi bw’u Rwanda mu kwakira amarushanwa akomeye, akaba ari urwego rukomeje kugira uruhare runini mu ishusho y’igihugu ku rwego mpuzamahanga.

Uretse abo, hanashyizweho n’Umuyobozi Mukuru Ushinzwe Serivisi Rusange, ari we Musanabera Rose. Uyu mwanya ni mushya muri Minisiteri ya Siporo, ukaba witezweho gufasha mu kunoza imikorere yo mu biro no kunoza serivisi zihabwa abaturage n’inzego zitandukanye zikorana na Minisiteri.

Ibi byemezo byose bifashwe mu rwego rwo gukomeza gutuma Minisiteri ya Siporo ikora neza, igirana umubano mwiza n’abafatanyabikorwa bayo, by’umwihariko mu gihe u Rwanda rukomeje kuzamura igikundiro cyarwo mu bikorwa bya siporo ku rwego rw’akarere n’isi.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c