RPL – APR FC yanganije na AS Kigali

Ikipe ya APR FC yafashe umwanya wa kabiri muri Shampiyona y’u Rwanda nyuma yo kunganya na AS Kigali igitego 1–1 mu mukino w’umunsi wa cyenda wabereye kuri Kigali Pele Stadium kuri uyu wa Gatanu.

Uyu mukino wari ukomeye cyane ndetse wuzuyemo ibintu byashyushyaga abafana nubwo ubwitabire bwari hasi.

APR FC yinjiranye imbaraga, maze mu gice cya mbere ni yo yabonye igitego cya mbere ku munota wa 41’.

Ruboneka Bosco, wagize umukino mwiza cyane, ni we wateye umupira mu izamu, Kuri kufura nyuma y’ikosa ryari rikorewe hafi y’urubuga rw’amahina. Yateye umupira unyuze ku giti cya mbere cy’izamu, Umunyezamu wa As Kigali Kanuma, Yabonye inshundura intranets, Ruboneka ahesha ikipe y’Ingabo z’Igihugu kuyobora umukino mbere yo kujya kuruhuka.

AS Kigali, nubwo yari yahuye n’akazi katoroshye mu minota ya mbere, yagarukanye imbaraga mu gice cya kabiri. Ku munota wa 49’, Ndayishimiye Didier yishyuriye iyi kipe nyuma yo kwitaba neza ku mupira wari uhinduwe na Tuyisenge Arsène.

Iki gitego cyatumye umukino wongera gufunguka, bituma impande zombi zishakisha uko zakongera kubona izamu.Mu minota ya nyuma, AS Kigali ni yo yagaragazaga imbaraga nyinshi kurusha mbere.

Rudasingwa Prince yabonye uburyo bw’umutwe bwaciye ku ruhande ku munota wa 93, mu gihe APR FC yo yakomeje kugorwa no guca mu bwugarizi bwa AS Kigali bwayoborwaga neza na Isaac Eze na Franklin Onyeabor.

Abatoza bombi bakoze impinduka nyinshi mu rwego rwo gushaka uko bahindura umukino, ariko amahirwe akomeza kuba make imbere y’izamu ku mpande zombi. Umunyezamu Ishimwe Pierre wa APR FC na Kanuma Pascal wa AS Kigali bakomeje kwitwara neza, birushaho gutuma umukino urangira ari 1–1.

INDI NKURU WASOMA:Cole Palmer yakize bihagije byo gukina na Arsenal ku cyumweru

Ruboneka Bosco, watsinze igitego cy’APR FC akanagaragaza urwego ruri ku rwego rwo hejuru, ni we watowe nk’umukinnyi w’umukino, ahabwa ibihembo bingana n’ibihumbi 100 by’amafaranga y’u Rwanda.

APR FC ikomeje kuba ku mwanya wa kabiri n’amanota 15, inganya na Musanze FC na Gasogi United zitarakina imikino y’umunsi wa cyenda. Ku rundi ruhande, AS Kigali yicaye ku mwanya wa 11 n’amanota icyenda.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c