Cole Palmer yakize bihagije byo gukina na Arsenal ku cyumweru

Umukinnyi ukomeye wa Chelsea, Cole Palmer, yakize neza kandi yiteguye gukina umukino ukomeye wo ku Cyumweru ikipe ye izakiramo Arsenal kuri Stamford Bridge.

Ibi byatangajwe n’umutoza Enzo Maresca nyuma y’icyumweru cyari cyuzuyemo impungenge ku bafana b’iyi kipe.

Palmer w’imyaka 23 yari amaze iminsi hanze kubera imvune y’ino yatewe no gusitara agakubita ikirenge ku muryango mu minsi ishize.

Ibyo byatumye asiba imikino ibiri Chelsea yatsinzemo Burnley na Barcelona, bikomeza kongerera ubwoba abakunzi ba “The Blues” bari bakeneye kongera kubona umusore ubafasha cyane mu busatirizi.

Uyu mukinnyi w’Umwongereza ntiyahiriwe n’uyu mwaka ku bijyanye n’imvune, dore ko amaze gukina imikino itanu gusa mu marushanwa yose. Ariko Maresca yavuze ko kuba agarutse ari inkuru nziza cyane ku ikipe n’ahazaza hayo

Ati:“Arahabwa ikaze. Yishimye kandi natwe turishimye. Igisumba byose ni uko nawe yumva yiteguye kongera gufasha ikipe. Ni umwe mu bakinnyi bacu bakomeye, tubaha igihe agasubira ku rwego rwe rwuzuye 100%.”

INDI NKURU WASOMA:Twacagaguye byose ukeneye kuzirikana ku nzibacyuho iri muri Rayon Sports

Mu cyumweru gishize, Maresca yari yavuze ko umukino wo ku Cyumweru Cole atazawukina, ariko amakuru mashya yemeza ko ashobora gutangira mu kibuga.

Iyo ataba ahari, byari kuba igihombo gikomeye ku ikipe iri ku mwanya wa kabiri inyuma ya Arsenal, kandi itsinze yashobora kugabanya ikinyuranyo cy’amanota ikarushwa gusa atatu.

Palmer aheruka gukina ku itariki ya 20 Nzeri ubwo Chelsea yatsindwaga na Manchester United ibitego 2-1. Ibyo bisobanuye ko Chelsea imaze imikino 13 idafite uyu musore, ariko ikitwara neza aho yatsinze imikino 10, gutsindwa 2 no kunganya 1.

Palmer yinjiye muri Chelsea avuye muri Manchester City muri Nzeri 2023 ku mafaranga agera kuri miliyoni 40 z’ama-pound .

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c