Abanyamahanga binjije ibitego 11- imibare yaranze umunsi wa munani wa shampiyona

Shampiyona y’Icyiciro cya Mbere mu Rwanda yakomezaga mu mpera z’icyumweru gishize hakinwa umunsi wa munani, umunsi wigaragaje nk’uwagaragayemo impinduka nyinshi ugereranyije n’indi minsi, haba mu gutsindwa kw’amakipe akomeye ndetse no mu bwinshi bw’ibitego byinjiye mu izamu.

Uyu munsi w’imikino watangiye ku wa Gatanu tariki ya 21 Ugushyingo 2025, Gasogi United yakira Kiyovu Sports.

Ku mikino umunani yose, hinjiye ibitego 22 ;umubare utarigeze uboneka kuva shampiyona ya 2025–2026 yatangira. Ikindi cy’agashya kabonetse ni uko ibi bitego byose byatsinzwe n’abakinnyi 22 batandukanye, nta n’umwe watsinze ibirenga kimwe, aba barimo Murangamirwa Serge wa Musanze FC na Mumbele Jeremie wa Rutsiro FC.

Muri iyi mikino, amakipe ane yari yakiriye imikino ariyo Musanze FC, Police FC, Gasogi United na Marine FC ni yo yabashije kwegukana amanota atatu.

Amagaju FC yo yanganyirije mu rugo, mu gihe Rayon Sports, Mukura Victory Sports na Bugesera FC byose byatsindiwe imbere y’abafana babyo.

Ku ruhande rw’imibare, amakipe yakiniraga mu rugo yinjije ibitego 11 bingana n’ibyo abasuye batsinze, naho igice cya mbere cyonyine kibonekamo ibitego 15, icya kabiri kibonamo 7.

Ikindi cyaranze umunsi ni uko Abanyamahanga binjije ibitego 11, banganya n’Abanyarwanda nabo batsinze 11. Umukino wonyine warangiye amakipe anganya ni uwahuje Amagaju FC na Etincelles FC banganya 0–0.

Mu rutonde rw’agateganyo, Police FC ni yo iyoboye shampiyona n’amanota 20 kuri 24, ikaba ari yo yonyine itaratsindwa kuva shampiyona yatangira.

APR FC yo yahuye n’akaga ko gutakaza umukino wayo wa mbere, mu gihe Rutsiro FC yiboneye intsinzi yayo ya mbere muri uyu mwaka w’imikino.

INDI NKURU WASOMA: CECAFA U17 : Somalia yasubije ingimbi z’u Rwanda mu kongera gutegura

Imikino yabonetsemo ibitego byinshi ni uwa Musanze FC na APR FC ndetse n’uwahuje Bugesera FC na Rutsiro FC, yose yarangiye ku bitego 3–2.

Musanze FC ikomeje kwigaragaza nk’indi kipe yihariye mu busatirizi kuko imaze gutsinda ibitego 11. Police FC na Gasogi United zikurikiraho n’ibitego 10, mu gihe Rayon Sports, APR FC, Gicumbi FC na Rutsiro FC zinganya 9.

Rutsiro FC kandi ni yo imaze kwinjizwa byinshi (14), ikurikirwa na Gicumbi FC (10) na Rayon Sports ndetse na AS Kigali zifite 9 buri imwe.

Umunsi wa munani ni wo wihariye agahigo ko kuba ari wo winjijwemo ibitego byinshi kugeza ubu (22), ukurikiranwa n’umunsi wa gatandatu winjijwemo 16.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c