RPL : APR FC yakubitiwe mu Ruhengeri byungukirwamo na Police FC

Umunsi wa 8 wa shampiyona y’icyiciro cya mbere (Rwanda Premier league), wasize Police FC ikomeje kuyobora urutonde nyuma yo gutsinda Gicumbi FC ibitego 2-1.

Mu mukino wabereye kuri Kigali Pelé Stadium ku wa Gatandatu, iyi kipe y’igipolisi k’igihugu yari yakiriye Gicumbi FC.

Gicumbi FC ni yo yabonye igitego cya mbere ku munota wa 17, cyatsinzwe na Mutangana Derrick, bikaba byari byarushijeho gutuma abakinnyi bayo bagira icyizere cyo kugera ku ntsinzi.

Ariko Police FC ntiyacogoye. Mu minota mike, yahise itangira kwiyubaka no kugerageza uburyo butandukanye bwo gushaka igitego, ndetse ku munota wa 23, Iradukunda Simeon yishyuriye ikipe ye igitego cyiza, cyatumye amakipe yombi ajya kuruhuka anganya igitego 1-1.

Mu gice cya kabiri, Police FC yaje bigaragara ko ishaka gutsinda hakiri kare kandi yaje kugerageza amahirwe menshi.

Ku munota wa 49, Byiringiro Lague yatsinze igitego cy’intsinzi kuri penaliti nyuma yo gukorerwa ikosa mu rubuga rw’amahina.

Uyu mukino warangiye Police FC itsinze Gicumbi FC 2-1, bityo iyobora urutonde rwa shampiyona n’amanota 20.

Mu bindi byabaye ku munsi wa 8, APR FC yahuye n’uruva gusenya ubwo yakinaga na Musanze FC.

Musanze yatsinze APR FC 3-2, aho ibitego bya Musanze FC byatsinzwe na Charles Mutsinzi ku munota wa 7, Shabani Hussein Tchabalala ku munota wa 20, na Omar Bizimungu ku munota wa 39.

APR FC yagerageje kwishyura mu gice cya kabiri, ibona ibitego bibiri byatsinzwe na Murangamirwa Serge ku munota wa 64 na William Togui Mel ku munota wa 87, ariko ntiyabashije guhindura umukino, bityo Musanze FC ibona intsinzi ya 3-2.

INDI NKURU WASOMA :FERWAFA yabonye umunyamabanga mushya

Andi makipe yamanutse mu kibuga kuri uyu munsi wa 8 . Bugesera FC yatsinzwe na Rutsiro FC 3-2, Marines FC itsinda Gorilla FC 1-0, naho Amagaju FC yanganyije na Etincelles FC 1-1.

Indi mikino y’umunsi wa 8 iraza gukomeza kuri iki Cyumweru tariki ya 23 Ugushyingo 2025, aho Rayon Sports izakira AS Kigali, ndetse na Mukura VS ikakira AS Muhanga.

Ubu, Police FC niyo iyoboye urutonde rwa shampiyona, ikaba ifite amanota 20, ikurikiwe na Musanze FC ku mwanya wa kabiri, mu gihe Gasogi United iri ku mwanya wa gatatu n’amanota 15.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_-C