Volleyball : Minisitiri Mukazayire yarebye uko APR yigaranzura Gisagara – PICTORIAL

Shampiyona y’Icyiciro cya Mbere muri Volleyball yakomeje gutanga isura nshya yuje ishyaka ridasanzwe, nyuma y’uko ku wa Gatanu, tariki ya 14 Ugushyingo 2025, muri Petit Stade i Remera yuzuye ku rwego rutaherukaga uretse iyo APR na Police byabaga bihanganye.

Kuri iyi nshuro, abari bayujuje bari baje kureba uko Gisagara VC, itari yaratsindwa na rimwe, ihangana n’ikipe y’Ingabo z’igihugu ifite igikombe giheruka.

REG VC ni yo yafunguye umunsi mu gutsinda RP Ngoma VC amaseti 3-0 (25-14, 25-12, 27-25), itsinzi yatwaye mu buryo wavuga ko yabyoroheye cyane cyane mu iseti ya nyuma yabaye ngufi cyane.

Mu bagore, Police WVC yabonye intsinzi y’inzitane iyikuye kuri Kepler WVC mu mukino wo guhangana gukomeye warangiye ari 3-2 (30-32, 25-17, 19-25, 25-15, 15-12). Byari ibyishimo n’umuhangayiko byivanze, ariko byasabye Police WVC gukura umutima mu gituza ngo yigarurire iseti ya kamarampaka.

Ibyari byitezwe cyane byabaye ubwo APR VC yisubiragaho nyuma y’ibyago byo gutsindirwa i Gisagara na Kepler VC mu minsi yashize.

Iyi kipe y’ingabo z’igihugu zagaragaje imbaraga nyinshi bitandukanye n’uko zatangiye shampiyona, zihagarika umuvuduko wa Gisagara VC maze bayitsinda amaseti 3-0 (25-23, 25-17, 25-19).

INDI NKURU WASOMA : Muvunyi ashobora kweguriramo – Rayon Sports yatumijeho inteko rusange idasanzwe!

Ni umukino Minisitiri wa Siporo, Nelly Mukazayire, na Perezida wa FRVB bari bawurebeye hafi, ndetse benshi mu bawukurikiye bemeje ko ushobora kuba umwe mu mikino igaragaza gutangira kubyutsa isura shya ya Volleyball mu Rwanda.

Shampiyona irakomeza kuri uyu wa Gatandatu, tariki ya 15 Ugushyingo 2025. APR VC izongera kwifashisha umuvuduko wagaragaye ikina na Kirehe VC, mu gihe Gisagara VC yo izagerageza kwisubiza icyizere ihanganye na KVC. Kepler VC izasoza umunsi icakirana na EAUR VC.

Mu bagore, APR WVC irahura na Ruhango WVC, naho RRA WVC ikine na EAUR WVC.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm-C