Basketball : Inkingi ya mwamba ya APR yagarutse nyuma y’amezi 9 y’imvune

Osborn Shema, umwe mu bakinnyi beza ba APR BBC bakina imbere, yongeye kugaruka mu myitozo nyuma y’amezi icyenda yari amaze hanze y’ikibuga kubera imvune ikomeye yatumye ajya hanze iki gihe cyose.

Uyu mukinnyi w’imyaka 27 yavunikiye mu mukino ukomeye APR yatsinzemo UGB amanota 94-92 mu mukino wa nyuma wa GMT 2025, wabaye tariki ya 27 Mata.

 Nyuma y’iminsi mike gusa, yahise yoherezwa muri Qatar kugira ngo avurwe, aho yitaweho n’abaganga babigize umwuga.

The Drum twamenye ko Shema yahise yoherezwa kuvurirwa muri Aspetar, ibitaro byamamaye ku kuvura imvune z’ababigize umwuga muri uyu mukino, aho higeze no kuvurirwa na rurangiranwa mu mupira w’amaguru ku isi, Neymar, mu mwaka wo muri 2023.

 Nyuma y’igihe cyose yamaze ahabwa ubuvuzi n’imyitozo yabugenewe, amakuru aturuka mu baganga ba APR yemeza ko aho bukera azongera kugera ku rwego rwo kwifatanya n’abandi bakinnyi mu myitozo isanzwe.

“Shema yatangiye imyitozo yoroshye n’iy’imbaraga muri gym, kandi uko agenda yitwara biratanga icyizere ko vuba azasubira mu ikipe mu buryo busesuye,” nk’uko umuganga w’ikipe yabibwiye  The New Times dukesha iyi nkuru.

INDI NKURU WASOMA : Sindi Paul arangamiye kwemeza Adel Amrouche

Uretse kuba ari umwe mu nkingi zifatiye runini APR, Shema yigeze no kwitwara neza mu ikipe y’igihugu, aho yagize uruhare rukomeye mu gufasha u Rwanda kwitabira amarushanwa ya FIBA AfroCAN 2023.

Kuva mu 2017, Shema yakiniye amashuri menshi muri Leta Zunze Ubumwe za Amerika, akomeza kwiyubaka haba mu mikino no mu bumenyi.

Yarangije amasomo ye muri Iona University, aho yavuye afite byinshi yagezeho birimo gushyirwa mu ikipe y’umwaka ya Western Junior College Athletic Conference ndetse no kwegukana igihembo cy’Umukinnyi muto Mwiza kurusha abandi mu mwaka wa 2020.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm-C