Ruhago y’abagore : Incamake y’umunsi wa kane wa shampiyona

Imikino y’umunsi wa kane wa Shampiyona y’Abagore y’Icyiciro cya Mbere yasize amakipe atandukanye yerekanye urwego ruri hejuru ndetse andi agaragaza ko akiri mu rugendo rwo kwiyubaka.

Indahangarwa WFC yo mu Karere ka Kayonza ni yo yabaye inkuru y’ingenzi nyuma yo gutsinda Forever WFC y’i Kigali ibitego 3-1, intsinzi yatumye isoza icyumweru iyoboye urutonde rw’agateganyo.

Uyu mukino wakiniwe kuri Stade Mumena ku Cyumweru, wari witabiriwe n’abakunzi b’umupira w’abagore benshi.

Indahangarwa WFC yagaragaje imbaraga n’imikinire yihariye, by’umwihariko ku bakinnyi bayo bo hagati nka Uwimana Ange na Mukandayisenga Claudine bakomeje kugaragaza ubuhanga mu guhuza umurongo hagati n’imbere.

Umutoza w’iyi kipe, Uwase Germaine, yavuze ko gutsinda uyu mukino byabahaye icyizere cyo gukomeza kurwana ku gikombe.

Mu wundi mukino wabereye ku kibuga cya Ruyenzi, Kamonyi WFC yatsinze Rayon Sports WFC ibitego 3-2 mu mukino wakunzwe na benshi kubera umuvuduko n’amahirwe menshi yawugaragamo.

Rayon Sports yari itaratakaza umukino n’umwe kugeza ubu, ariko yahuye n’akazi gikomeye imbere y’abafana ba Kamonyi bari bashyigikiye ikipe yabo bivuye inyuma.

Umutoza wa Kamonyi WFC, Niyonsaba Alice, yavuze ko iyi ntsinzi ari “ubutumwa bwo kwereka buri wese ko Kamonyi itagikinira ku rwego rwo hasi.”

INDI NKURU WASOMA : Shema Fabrice yahaye umukoro ukomeye ingimbi zihagarariye u Rwanda

Ku rundi ruhande, AS Kigali WFC iterwa inkunga n’Umujyi wa Kigali yakomeje kugorwa muri iyi shampiyona, itsindwa na Bugesera WFC igitego 1-0.

Ni umukino wa kane wikurikiranya iyi kipe itabona amanota atatu yuzuye, ibintu byatangiye gutera impungenge abakunzi bayo. Umutoza Mukamusonera Théogenie yemeye ko ikipe ye ikeneye kongera umwuka w’intsinzi no kongera ubushobozi mu busatirizi.

Mu yindi mikino yabaye, Police WFC yatsinze Macuba WFC ibitego 3-0, APR WFC itsinda Inyemera WFC 2-0, naho Muhazi United WFC itsinda Nyagatare WFC ibitego 2-0.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c