Dua Lipa yagaragaye ari kureba Superclásico muri Argentine

Umuhanzikazi Dua Lipa, yagaragaye yambaye umwambaro w’ikipe y’igihugu ya Argentine ubwo yitabiraga umukino ukomeye wahuzaga amakipe y’amateka muri iki gihugu [Boca Juniors na River Plate], uzwi cyane nka Superclásico.

Ibi byabaye nyuma y’uko mu mpera z’iki cyumweru yari amaze gukorera ibitaramo bibiri bikomeye mu murwa mukuru w’iki gihugu , Buenos Aires, mu rugendo rw’ibitaramo bye yise ‘Radical Optimism Tour’.

Nyuma yo gususurutsa ibihumbi by’abafana byari biteraniye muri sitade ya Estadio Monumental ya River Plate, Dua Lipa w’imyaka 30 yafashe umwanya wo kureba uyu mukino wari wabereye kuri sitade ya La Bombonera,isanzwe ikinirwaho na Boca Juniors.

Umukino warangiye Boca itsinze ibitego 2-0, byatsinzwe na Exequiel Zeballos na Miguel Merentiel;Nubwo yagerageje kugaragara nk’utegamiye kuri imwe muri izo makipe, yaje yambaye umwambaro ufite amabara y’igihugu cya Argentine, amafoto yagaragaye nyuma yerekanye ko yaje gukururwa n’uburyo abafana ba Boca bishimira intsinzi.

INDI NKURU WASOMA : Rwanda Premier League : Hahindutse byinshi ku mukino wa AS Kigali na Al Hilal Omdurman

Uyu wamenyekanye mu ndirimbo nka ‘New Rules’ yanagaragaye afatana ifoto n’icyamamare Juan Román Riquelme, ubu usanzwe ari umuyobozi muri Boca Juniors, bose bafashe ku mwambaro wanditseho izina rya Dua na nimero 10.

Ku rubuga rwa X , Boca Juniors yashyizeho iyo foto, yandikaho amagambo ya Dua Lipa yari yavuze ubwo yari ku rubyiniro agira ati: “Nkunda imbaraga z’abantu hano, ni beza cyane.”

River Plate na yo ntiyatanzwe,kuko nayo yahise ishyira hanze ifoto ye [Dua Lipa] yishimye yambaye umwambaro wayo, igaragaza ko uyu muhanzikazi akunda umupira w’amaguru kandi atabogamye.

Nyuma ya Argentine, Dua agiye gukomereza urugendo rw’ibitaramo bye muri Chile, hanyuma akomereze muri Brezili, Peru, Colombia no muri Mexique.

Nubwo akunda Arsenal kubera se na musaza we, Dua Lipa yavuze ko afitiye n’urukundo rukomeye ikipe ya Liverpool.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c