Umunyabigwi wa Brazil wabaswe n’ubusambanyi yatandukanye n’umunyeshuri bakundanaga

Uwahoze ari Rutahizamu rurangiranwa mu mupira w’amaguru w’Umunya-Brazil, Romário de Souza Faria, yongeye kuvugisha benshi nyuma yo gutandukana n’umukunzi we mushya, Alicya Gomes, umukobwa w’imyaka 22 wiga muri kaminuza, bari bamaze amezi make bakundana.

Uyu mugabo w’imyaka 59 wari umaze igihe kinini agarukwaho mu binyamakuru byo muri Brazil kubera ubuzima bwe bw’urukundo, yatangiye gukundana na Alicya muri Nzeri umwaka ushize, nyuma yo gutandukana n’umunyamideri Marcelle Ceolin, wamurushaga imyaka 25.

Amakuru aturuka muri Rio de Janeiro muri Brazil aravuga ko aba bombi bahagaritse gukurikirana ku mbuga nkoranyambaga [Gufolowingana], bikaba byemeje amakuru y’uko urukundo rwabo rwamaze kurangira.

Ibi bibaye nyuma y’amezi atatu gusa bamaze kongera gushyushya itangazamakuru, ubwo bari bafotowe bari kumwe mu gitaramo cya Rock in Rio bareba umuhanzikazi Mariah Carey.

Nyamara ntibyatinze, kuko ibinyamakuru byo muri Brazil byatangaje ko Romário yongeye kugaragara ari kumwe n’undi mukobwa mu iserukiramuco ry’umuziki, aho bagaragaye barimo kubwirana amagambo y’urukundo mu gace gatuje.

Alicya, ukomoka mu gace ka Baixada Fluminense, yari amaze kuba izina rizwi mu itangazamakuru nyuma yo kwitabira ibirori byo kwizihiza isabukuru ya Romário ubwo yuzuzaga imyaka 59, ku wa 31 Mutarama uyu mwaka.

INDI NKURU WASOMA :  Uwakiniye Rayon Sports yabasabye kudakinisha umupira umunwa

Nyuma yaho, yahise afunga konti ye ya Instagram yari ifite abamukurikira barenga ibihumbi bitanu, nk’uko bivugwa, kugira ngo yirinde itangazamakuru ryakomeje kumuvugaho cyane.

Romário, ufite abana batandatu bavutse mu buryo butandukanye, yigeze no kwiyemerera ko ari umugabo ufite urukundo rwinshi kurusha abandi ndetse mu 2018 yari yafashwe abwira abakinnyi bakiri bato yatozaga ko “imibonano mpuzabitsina ifasha kugaragaza ubuhanga ku kibuga.” Ibyo byatumye benshi bamugaya, abandi bakabibona nk’ukuri kw’umuntu utajya yihisha.

Uru rukundo rwamaze amezi make rwatumye benshi bongera kwibaza ku buzima bw’uyu wahoze ari rutahizamu wa Barcelona na PSV Eindhoven, ubu uri muri politiki ya Brazil.

Uretse Alicya na Marcelle, Romário yigeze no kuvugwaho gukundana n’umukobwa witwa Maria Geusiane Santos, w’imyaka 34, mu mwaka ushize.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_