Premier League : Ruben Amorim yatowe nk’umutoza mwiza w’Ukwakira

Umutoza wa Manchester United ukomoka muri Portugal, Ruben Amorim yegukanye igihembo cy’Umutoza mwiza w’ukwezi k’Ukwakira muri Premier League nyuma yo gufasha ikipe ye gutsinda imikino itatu yikurikiranya.

Ni ubwa mbere Amorim agera kuri aka gahigo kuva yagera kuri Old Trafford mu Ugushyingo kwa 2024. Muri iki gihe gito, uyu mutoza w’imyaka 40 yagaragaje impinduka zikomeye mu buryo United ikina n’imyitwarire y’abakinnyi mu kibuga.

Mu mikino itatu yo mu kwezi gushize, United yatsinzemo Sunderland ibitego 2-0, itsinda Liverpool ibitego 2-1 ku kibuga cya Anfield — ari nabwo bwa mbere yabikoze mu myaka irenga icyenda — hanyuma isoreza ku ntsinzi y’ibitego 4-2 imbere ya Brighton & Hove Albion kuri Old Trafford.

Amorim yatsinze abatoza bari bahanganye bikomeye  barimo Mikel Arteta wa Arsenal, utari yongera gutwara iki gihembo kuva muri Gashyantare 2024, Unai Emery wa Aston Villa ndetse na Andoni Iraola wa Bournemouth.

Abasesenguzi bemeza ko iki gihembo kije nk’ikimenyetso cy’uko urugendo rwe muri Manchester United rutangiye kwera imbuto. Abafana benshi ku mbuga nkoranyambaga bashimiye uko ikipe iri kugaruka mu bihe byiza, bamwe bavuga ko “Amorim ari inyunganizi United yari imaze igihe ikeneye.”

INDI NKURU WASOMA : Byiringiro Lague yihakanye ibyavugwaga ko yatorotse umwiherero w’ikipe 

Umwe mu bafana yanditse kuri X ati: “Ibi birihariye. Nta wari uzi ko Ruben azagera kuri uru rwego vuba gutya.”

 Undi yongeyeho ati: “Nimuba mumuhaye amasezerano y’imyaka itanu, muzaba mwakoze igikorwa cy’ubuhanga.”

Uretse Amorim, hari n’andi makuru meza ku bafana ba United kuko rutahizamu Bryan Mbeumo yatoranyijwe nk’Umukinnyi w’ukwezi kwa Ukwakira.

Uyu mukinnyi ukomoka muri Cameroun yatanze uruhare mu bitego byose bitatu byatsinzwe n’ikipe ye muri icyo gihe: yatanze umupira wavuyemo igitego cy’intsinzi mu mukino wa Sunderland, atsinda igitego cya mbere ku mukino wa Liverpool, hanyuma yinjiza ibindi bibiri ubwo batsindaga Brighton.

United yanganyije na Nottingham Forest mu mpera z’icyumweru gishize .

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_