Nyiri Nottingham Forest ari mu mazi abira

Umunyemari w’Umunyagiriki ufite ikipe ya Nottingham Forest yo mu Bwongereza ndetse n’iya Olympiacos mu Bugereki, Evangelos Marinakis yagejejwe imbere y’urukiko i Athènes akekwaho guteza imvururu muri siporo no gushyigikira umutwe w’abagizi ba nabi.

Marinakis w’imyaka 58, hamwe n’abandi bantu bane bo mu buyobozi bwa Olympiacos, bakurikiranyweho ibyaha bibiri bifitanye isano no guteza urugomo binyuze mu magambo atiza umurindi urwango no gushyigikira umuryango w’abanyabyaha hagati y’umwaka wa 2019 na 2024.

Uyu mugabo, uhagarariwe n’umunyamategeko we Vassilis Dimakopoulos, yahakanye ibyo aregwa, avuga ko byose ari ibinyoma.

INDI NKURU WASOMA ; EXCLUSIVE – Real Madrid yafashe umwanzuro wo gutandukana na Vinícius

Iperereza ry’ibi birego ryatangiye nyuma y’urupfu rwa George Lyngeridis, umupolisi w’imyaka 31 wakomeretse bikomeye ubwo yaterwaga n’ibishashi biturika ubwo yari hanze y’ikibuga cyaberagamo umukino wa volleyball mu bagore hagati ya Olympiacos na Panathinaikos muri 2023. Yaje gupfa hashize ibyumweru bike.

Muri rusange, abafana 142 barimo gukurikiranwa n’ubutabera ku byaha byo kwifatanya mu mutwe w’abanyabyaha no gutera ibiturika byateje ibyago bikomeye muri uyu mikino.

Barindwi muri bo bashinjwa kuba ari bo bayoboye uwo mutwe ,bose bahakanye kugira uruhare muri ibyo bikorwa.

Urubanza rwatangiye ku wa Gatatu, rwagombaga gutangira ku isaha y’i saa sita n’igice z’aho i Athènes, rwatangiye rutinze kubera umubare munini w’abaregwa n’abatangabuhamya.

Bitewe n’uko abarenga 140 bari mu baregwa na 220 mu batangabuhamya batari bakabonetse.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_