Mamadou Sy na  Dauda Yussif  ba APR FC baciye bugufi

Nyuma y’ibyumweru bike ikipe ya APR FC ivuye mu Misiri gukina na Pyramids FC mu mikino ya CAF Champions League, ubuyobozi bw’iyi kipe y’Ingabo bwemeje ko abakinnyi babiri bari baherutse guhagarikwa basabye imbabazi ku makosa bakoze, ndetse bakaba bamaze kugaragaza ubushake bwo kwisubiraho.

Aba bakinnyi ni Mamadou Sy na Seidu Dauda Yussif, bombi bahagaritswe nyuma y’imyitwarire itari myiza bagaragaje ubwo bari kumwe n’ikipe mu Misiri.

Mu itangazo ryashyizwe ku rubuga rwa APR FC, ubuyobozi bw’iyi kipe bwemeje ko aba bakinnyi basabye imbabazi umutoza mukuru Taleb Mourad n’ubuyobozi bw’ikipe, ndetse ko ibijyanye no kubasubiza mu ikipe nkuru kiri kuganirwaho.

INDI NKURU WASOMA ; Ukuri ku mukino wa gicuti uvugwa hagati y’Amavubi na Senegal

Mu butumwa bwa APR FC buvuga ati: “Ubuyobozi bw’ikipe ndetse n’umutoza batangaje ko Sy na Dauda basabye imbabazi nyuma yo gufatirwa ibihano by’ukwezi. Mu minsi mike, umwanzuro w’ahazaza h’ibi bihano byabo uzatangazwa.”

Kuri ubu, aba bakinnyi bombi bari gukorana imyitozo n’amakipe y’abato y’Ingabo, nk’igikorwa cy’uburere no kubafasha kongera kubaka imyitwarire ikwiye umukinnyi ukinira APR FC.

Umwe mu bantu bakurikirana hafi ikipe yabwiye The Drum  ko “ubuyobozi buri gushaka gukemura ikibazo mu mahoro, kuko intego si uguca intege abakinnyi b’abahanga ahubwo ni ukubafasha gusobanukirwa inshingano zabo.”

Ku rundi ruhande, APR FC iritegura umukino ukomeye w’umunsi wa Gatandatu wa Shampiyona y’u Rwanda, ariko ntizaba ifite abakinnyi bayo batandukanye barimo Djibril Quattara na Memel Dao bombi bavunitse, ndetse na Ronald Ssekiganda uri mu bihano kubera ikarita itukura yahawe ku mukino baherutse kunganyamo na Kiyovu Sports.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇

https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_