West Ham yatangaje ugomba gusimbura Graham Potter uherutse kwerekwa imiryango

Ikipe ya West Ham United yo mu Bwongereza yamaze gufata icyemezo gikomeye cyo gusezerera umutoza wayo Graham Potter nyuma y’amezi umunani gusa ayitoza, byanemejwe ko igiye kumusimbuza Umutaliyani Nuno Espirito Santo wahoze atoza Nottingham Forest.

Ubuyobozi bwa West Ham bwemeje ko bwagiranye ibiganiro byimbitse na Nuno, kandi biteganyijwe ko azatangira inshingano ze mbere y’umukino wa Premier League uzabahuza na Everton ku wa mbere. Ibi bije nyuma y’uko ikipe yitwaye nabi mu mikino itanu ya mbere y’uyu mwaka w’imikino, ikabona amanota atatu gusa muri cumi n’atanu yakiniwe.

INDI NKURU WASOMA BIFITANYE ISANO : AMAFOTO : Umunye-Espagne yanikiriye abangavu muri shampiyona y’isi y’amagare 

Mu itangazo ryashyizwe ahagaragara, ubuyobozi bw’iyi kipe bwavuze ko impinduka zari ngombwa kugira ngo hashakwe uko ikipe yava mu myanya ya nyuma muri shampiyona vuba bishoboka.

Graham Potter, w’imyaka 50, yari afite icyizere ko agifitiwe icyizere n’abamukoresha, ndetse yanabigaragaje mu kiganiro n’abanyamakuru ku wa gatanu,aho yavuze ko uko ibihe bizagenda biza ikipe azagenda ayimenyera.

Ariko nyuma yo gutsindwa ibitego 2-1 ku mukino wo ku wa gatandatu bahuragamo na Crystal Palace, ubuyobozi bwahise butangira kureba abandi batoza bashobora kumusimbura. Nyuma y’iminsi itatu y’ibiganiro byihuse, hanzuwe ko Nuno ari we utangira inshingano.

Nuno Espirito Santo, w’imyaka 51, yirukanywe muri Nottingham Forest nyuma y’amezi 21 ayibereye umutoza. Nubwo yagejeje iyo kipe ku mwanya wa karindwi mu mwaka w’imikino ushize – ari na wo mwanya mwiza bagize kuva mu 1994-95 – ibibazo hagati ye n’umuyobozi w’ikipe Evangelos Marinakis byatumye umubano wabo ujya ahabi.

Uyu mutoza wigeze no gutoza Wolverhampton na Tottenham, yamaganye uko isoko ry’igura n’igurishwa ryakozwe muri iyi kipe, avuga ko amafaranga menshi yakoreshejwe nabi kandi ko byagombaga kugira ingaruka ku musaruro w’iyi kipe.

West Ham yari yaguze abakinnyi umunani bashya muri iyi mpeshyi, barimo n’Umunya-Portugal Mateus Fernandes waguzwe miliyoni £38, ariko ntibyatanze umusaruro. Kugurisha rutahizamu Mohammed Kudus , werekeje muri Tottenham ku gaciro ka miliyoni £55, nabyo byateje impaka mu bafana.

Kuva Potter yagera muri West Ham muri Mutarama, yatoje imikino 25 atsinda imikino itandatu gusa. Mu mwaka ushize wa 2024-25, West Ham yarangirije ku mwanya wa 14, ariko uyu mwaka yatangiye nabi, itsindwa imikino 5 muri 6 ya mbere, harimo no gusezererwa na Wolves muri Carabao Cup.

Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet ;kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere  : 👉👉👉👉  fortebet.rw .