Mamel Dao wa APR FC  yidoze kuri Pyramids FC mu gihe habura iminsi mike ngo batane mu mitwe

Mu gihe hasigaye iminsi mike ngo ikipe ya APR FC yakire Pyramids FC yo mu Misiri mu mukino ubanza w’ijonjora rya mbere rya CAF Champions League, umwe mu bakinnyi b’ingenzi b’iyi kipe y’ingabo z’igihugu, Memel Raouf Dao, yatangaje amagambo akomeye yerekana icyizere n’ubutwari bafite mu kwitegura uru rugamba.

Uyu mukinnyi ukomoka muri Burkina Faso ukina hagati mu kibuga ariko akunda kuzamuka asatira izamu, yavuze ko nubwo Pyramids FC yerekanye urwego rwo hejuru itsinda Al-Ahli yo muri Saudi Arabia ibitego 3-1, nta na gake APR FC iyitinya.

Mu butumwa yatangaje acishije ku rukuta rwe rwo ku rubuga rwa Instagram, Memel yagize ati: “Ni Pyramids, tukaba intare. Nta bwoba dufite.” Ibi yabivuze mu kwerekana ko APR FC izakina uyu mukino ifite icyizere cyo kwitwara neza imbere y’iyi kipe ikomeye.

Yakomeje avuga ko ibyo abantu batekereza ko bidashoboka, bazabigaragariza mu kibuga. Ati: “Nta kidashoboka munsi y’izuba. Twiteguye urugamba.”

APR FC iri kwitegura guhangana n’ikipe ifite abakinnyi bakomeye barimo rutahizamu Fiston Kalala Mayele, waraye utsinze ibitego byose bitatu bya Pyramids FC muri uwo mukino wa Al-Ahli, ikinamo Riyad Mahrez wahoze akinira Manchester City, Ivan Toney wahoze muri Brentford, n’umunyezamu Eduard Mendy wabaye icyamamare muri Chelsea.

INDI NKURU WASOMA BIFITANYE ISANO :Abarimo rutahizamu Habimana Yves ntago bajyanye na Rayon Sports muri Tanzania

Nubwo aba bakinnyi bazwi ku rwego mpuzamahanga bashobora kugaragara nk’inzitizi ku gutsinda uyu mukini, abakinnyi ba APR FC n’ubuyobozi bw’iyi kipe bavuga ko bafite intego yo guhesha ishema igihugu no kwerekana ko umupira w’u Rwanda uri ku rwego rwo guhangana.

Umukino ubanza utegerejwe ku wa Tariki ya 1 Ukwakira 2025, kuri Stade ya Kigali Pelé Stadium, saa munani z’igicamunsi.

Tombola y’ijonjora ry’ibanze ry’imikino Nyafurika 2025-2026 yabereye muri Tanzania, yasize APR FC yongeye gutombora Pyramids FC yanatwaye igikombe cya Total Energies CAF Champions League 2024-2025 itsinze Mamelodi Sundowns yo muri Afurika y’Epfo.

Kuva mu mwaka w’imikino 2023-2024, APR FC na Pyramids FC zimaze guhura inshuro enye aho imikino ibiri ibanza yabereye Kigali yose amakipe yombi yayinganyije mu gihe Pyramids nayo yatsinze ibiri yo kwishyura yagiye ibera mu Misiri. Muri iyi mikino Pyramids FC yatsinzemo ibitego icumi(10) naho APR FC itsinda ibitego bitatu.

Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Forte Bet ;kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere  : 👉👉👉👉  fortebet.rw .