Kuri iki cyumweru tariki ya 21 Nzeri 2025, saa kumi n’imwe n’igice z’umugoroba ku isaha ya Kigali na Bujumbura, ku kibuga cya Emirates mu murwa mukuru w’u Bwongereza, London, ikipe ya Arsenal iracakirana na Manchester City mu mukino witezwe cyane wa Shampiyona y’Abongereza, [English Premier League].

Uyu ni umukino ushobora gutanga icyerekezo cyuko iyi shampiyona izagendekera impande zombi muri uyu mwaka, byumwihariko kuri aya makipe abiri amaze imyaka 3  ahanganiye igikombe.

Ikipe ya Manchester City yatakaje igikombe cya Premier League mu mwaka ushize , cyegukanywe na Liverpool, nyuma yo kurwana intambara y’imyaka ine yikurikiranya icyegukana .

Uyu mwaka, ibihe ntibiratangira kubara neza kuri Pep Guardiola n’abahungu be, aho bamaze gutsinda imikino ibiri, bagatsindwa ibiri gusa ntabwo baranganya.

Mu gihe Arsenal yo iri ku mwanya wa kabiri n’amanota 9, nyuma y’imikino ine, yatsinzemo itatu, itsindwa umwe.

INDI NKURU BIFITANYE ISANO :Rayon Sports 0-1 Singida Black Stars : Rayon Sports yazize iki , Afhamia ku gitutu n’uburakari bw’abafana ba Murera

Uburyo bw’itsinzi bwa Arsenal bushingiye ku myitwarire y’abakinnyi bashya nk’umusore Viktor Gyökeres umaze gutsinda ibitego bitatu mu mikino ine, ndetse na ba mababa bayo barimo Madueke, Martinelli na Zubimendi bafite uruhare rukomeye mu migendekere y’umukino w’abarashi.

Guardiola, mu buryo bumeze nko gutera urwenya ariko harimo ubutumwa bukomeye, mu kiganiro n’itangazamakuru ku munsi wejo ,yavuze ko igihe Arteta azaba yegukanye igikombe, azaba yakiguze mu iduka aho kuba yaragihanganiye akagitwara -ibi bikomeza kuzamura ubukana bw’uyu mukino.

Ibi yabitangaje ubwo yerekanaga ko Arsenal yashoye akayabo karenga miliyoni 250 z’amapawundi mu isoko ry’igura n’igurisha ry’uyu mwaka, mu gihe na Liverpool nayo yashoye arenze ayo ariko ntibibe byamutera ubwoba bwo guhangana .

Imigendekere y’imikino iheruka guhuza aya makipe yombi

Umwaka ushize, Arsenal yatsinze Manchester City ibitego 5-1 ku kibuga cya Emirates, ibyo bikaba byaragaragaje impinduka zikomeye mu mikinire ya Arteta n’abakinnyi be. Icyo gihe, umusore ukiri muto Myles Lewis-Skelly yateje impaka zikomeye nyuma yo kwishimira igitego amwenyura mu buryo bumwe na Haaland, ibintu byagize uruhare mu gukaza umukino w’aya makipe yombi.

Abakinnyi bashobora kugaruka cyangwa kubura

Ku ruhande rwa Arsenal, abakinnyi barimo Bukayo Saka, Martin Ødegaard na Ben White bashobora kuza kugaragara kuri uyu mukino nyuma yo gukira imvune. Arteta yavuze ko ibyabo byose bigomba kumenyekana nyuma y’imyitozo yo kugorora imitsi yo kuri iki cyumweru. Gabriel Jesus na Kai Havertz bo ntibazaboneka.

Ku ruhande rwa Manchester City, John Stones ashobora kugaruka, mu gihe abakinnyi barimo Rayan Cherki, Omar Marmoush na Rayan Aït-Nouri bagikurikiranwa n’abaganga.

Abakinnyi bashobora kubanza mu kibuga

Arsenal: Raya; Timber, Saliba, Gabriel, Calafiori; Merino, Zubimendi, Rice; Madueke, Gyökeres na Martinelli.

Manchester City: Donnarumma; Khusanov, Dias, Gvardiol, O’Reilly; Rodri, Silva, Reijnders; Foden, Haaland na Doku.

Icyo uyu mukino uvuze mu rugamba rwo gushaka igikombe

Uyu si umukino wo gushaka amanota atatu gusa; ni urubuga rwo kurebera uko izi kipe zikomeye zihagaze mu rugamba rwo guhanganira igikombe. Ni umukino ugomba kwerekana ubushishozi kuri Arteta, umutoza wa Arsenal, uhanganye n’uwo yahoze yungirije , Pep Guardiola.

Uyu mukino kimwe n’indi mikino yose yo muri Premier League iri muri Fortebet ,kampani ya mbere yo gutega ku mikino ifite ibikubo utasanga ahandi hano mu Rwanda .Gutsinda kwa Arsenal gukubiye `1.93 kunganya kwayo gukubiye 3.75 mu gihe gutsinda ari 4.00.

45 % y’abatega mu Muryango Wa Fortebet bemera ko Arsenal iratsinda, 20 % bemera ko baranganya naho 35 % bizera mu nsinzi ya Manchester City.

Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Forte Bet ;kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere  : 👉👉👉👉  fortebet.rw .