Kylian Mbappé yatumye Real Madrid y’abakinnyi 10 yikura imbere ya Real Sociedad

Ikipe ya Real Madrid yatangiye neza muri shampiyona ya Espagne [LaLiga] y’uyu mwaka w’imikino wa 2025-2026, nyuma yo gutsinda Real Sociedad ibitego 2-1 nubwo yakinnye igihe kinini ari abakinnyi 10 , kubera ikarita itukura yahawe myugariro wayo Dean Huijsen.

Ni umukino wari utegerejwe na benshi,  wabereye kuri sitade yitwa Estadio Municipal de Anoeta y’ikipe ya Real Sociedad. Ku munota wa kabiri gusa, Arda Güler yari amaze gushyira umupira mu izamu, ariko VAR ihita yanga iki gitego kubera ko Kylian Mbappé yari yarariye.

Icyakora, ntabwo byatinze. Kuko munota wa 12, Mbappé yagaragaje impano ye nk’uko asanzwe abikora, atsinda igitego cya mbere nyuma yo gufata umupira yari yiherewe  n’umukinnyi wa Sociedad, Mikel Goti, ku burangare bukomeye.

INDI NKURU WASOMA BIFITANYE ISANO ;Premier League :Zubimendi yerekanye urwego rudasanzwe ubwo Arsenal yanyagiraga Nottingham Forest

Mu buryo butunguranye uyu mukino waje guhindura isura ku ikipe ya Real Madrid ubwo ku munota wa 32, Huijsen yahabwaga ikarita itukura azira gukinira nabi Mikel Oyarzabal wari wenyine imbere y’izamu.

Nubwo byari bigoye, Los Blancos ntabwo bacitse intege. Ku munota wa 39, Mbappé yongeye kugaragara mu gikorwa cy’igitego ubwo yacomekaga umupira neza awuha Arda Güler, na we awushyira mu izamu awurobye umunyezamu Alex Remiro.

Real Sociedad yagarutse neza mu mukino igice cya kabiri kigitangira, ubwo Carvajal yakoraga umupira n’ukuboko mu rubuga rw’amahina, bikavamo penaliti yinjijwe neza na Oyarzabal ku munota wa 55.

Nubwo Sociedad yakomeje gushakisha igitego cyo kwishyura, ikipe ya Xabi Alonso yihagazeho, nubwo hari aho umunyezamu Thibaut Courtois yakoze ikosa ryashoboraga kubashyira mu kaga, ariko amahirwe ntiyaba ku ruhande rw’iyi kipe yari yakiriye umukino .

Mu kiganiro n’itangazamakuru nyuma y’umukino, Xabi Alonso yagize ati: “Twakinnye umukino ukomeye. Ikarita itukura yahinduye isura y’umukino, ariko abakinnyi banjye bagaragaje umutima wo kwitanga. Gutsindira kuri Anoeta si ibintu byoroshye, cyane cyane turi abakinnyi 10. Hari byinshi tugomba gukosora, ariko intambwe turimo turayishimira.”

Ubu Real Madrid imaze gutsinda imikino 4 kuri 4, biyishyira ku mwanya wa mbere by’agateganyo.

Ushaka gutega ku mukino itandukanye utavuye aho uri kandi ku bikubo utasanga ahandi mu Rwanda gana Forte Bet ;niba utariyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari rya mbere  : 👉👉👉👉  fortebet.rw .