AMAFOTO:Lague yavuze impamvu yateruye umwana we nyuma yo gutsinda igitego APR Fc

Umukinnyi mpuzahanga w’Umunyarwanda Byiringiro Lague ukinira ikipe ya Police Fc, Yatsinze igitego cya mbere ikipe ya APR Fc kuva ya yivamo.

Iki gitego Lague yagitsinze ikipe ya APR Fc mu mukino w’Inkera y’Abahizi, Irushanwa ryateguwe na APR Fc, Umukino waje kurangira ikipe ya Police Fc itsinze ibitego 3 kuri 2.

Byiringiro Lague nyuma yo gufungura amazamu atsinda, Igitego cya mbere muri uwo mukino, Yahise ajya kureba aho umwana we w’Imfura yarari muri Stade ya Kigali Pelé, Baramumuha ahita amuterura.

Lague yatangaje icyatumye akora ibyo ubwo yaganiraga n’Itangazamakuru:

“Ni amarangamutima yari amfashe kubera ko umwana wanjye yari yujuje imyaka 3, Rero sinzi ukuntu byanjemo, Ni ubwa mbere bibaye ni aga kado nari muhaye.

Lague yakomeje avuga ku musaruro yifuza guha ikipe ya Police Fc;

“Nshaka kugaruka mu mavubi no kubona ikipe hanze iruta Police, Ubu intego ni ugutwara ibikombe byose bikinirwa mu gihugu”.

Tubibutseko Byiringiro Lague, Yaje muri Police Fc avuye gukina ku mugabane w’Uburayi mu ikipe ya Sandvikens IF yo mu gihugu cya Sweden, Yari yagiyemo avuye muri APR Fc ikipe yari yarakiniye yo nyine mu mateka ye, Kuva yatangira gukina ikiciro cya mbere mu Rwanda, Nk’Umukinnyi wagize umupira w’Amaguru nk’Umwuga umutunze.