Abafunze ntabwo ari uko tubanze byinshi Big Gen Deo yavuze ku banyamakuru bafunzwe

Big Gen Deo Rusanganwa, Chairman w’Ikipe ya APR Fc, Yavuzeko abantu bose bafunzwe mu minsi ishize, Ntabwo ari uko babanze ahubwo bashaka gukoresha neza ibyo bahabwa n’Ubuyobozi bukuru bwa APR Fc.

Ibi umuyobozi w’Ikipe ya APR Fc, Yabitangaje mu kiganiro n’Itangazamakuru cya mbere y’Inkera y’Abahizi ya APR Fc, Iteganyijwe kuba kuri iki cyumweru, Aho bazakina na Power Dynamos yo muri Zambia.

Yagize ati” Muri iyi minsi muza twihanganira, Muzabona impinduka nyinshi zigenda ziba, Zinabagiraho ingaruka bamwe, N’Ejo bundi mwarimo muvuga ku maradiyo abafunzwe, Ntabwo ari uko tubanze.

“Ariko APR cyangwa ubuyobozi bukuru buduha Ingengo y’Imari Minadef, Ibyo ikora ni ukugirango izamure abanyarwanda, Ni tubikoresha nabi tuzabibazwa rero, Ariko niba hari uwo bahamagaye muri mwe kujya kumubaza, Mu by’ukuri niba atara bigizemo uruhare azagaruka, Ubutabera buratinda ariko bukaba.

“Abo byakoze ku mutima mu babwire ko, Babyihanganire ntabwo igihugu cyabaho nka byabindi tuzi, Kuko nituyarya nabi abana bacu bazabura impano zizamuka, Tugomba rero gucunga neza ibyo baduha tuyakoresha ibyo yagenewe.

“Bariya bagenzi banyu bafite ibibazo reka twizere ubutabera bwacu kandi mujya mubwizera”.

Tubibutseko hafunzwe abanyamakuru bagera kuri 3 aribo Ndayishimye Reagan na Ishimwe Ricard, na Mucyo Antha wahoze ari umunyamakuru hamwe n’Abasirikare 3 hamwe n’Abandi bantu 22 muri rusange.

Bose bari kubazwa kubyo bacyekwaho, By’umwihariko ibijyanye n’Urugendo ikipe ya APR Fc yakoreye mu Misiri umwaka ushize ubwo yasezererwaga na Pyramid Fc muri CAF Champions League, Itsinzwe igeteranyo cy’Ibitego 4 kuri 2.