Rutahizamu w’Amavubi Joy Lance Mickels yakiriye igihembo yakoreye

Rutahizamu w’ikipe y’Igihugu Amavubi, Joy Lance Mickels, Yatwaye igihembo cy’umukinnyi watsinze ibitego byinshi muri Shampiyona y’umupira w’amaguru mu y’icyiciro cya mbere mu gihugu cya Azerbaijan.

Joy Lance Mickels wambara nimero 20 mu ikipe y’Igihugu y’u Rwanda ‘Amavubi’ no mu ikipe akina mo ya Sabah FK, Mu mwaka w’Imikino wa 2025-2026, Yafashije ikipe akinamo ya Sabah Fk kuyitsindira ibitego 19 byatumye aba umukinnyi watsinze ibitego byinshi muri iyo Shampiyona ya Azerbaijan.

Umusaruro wa Joy Lance Mickels mu mwaka w’Imikino wa 2025-2026:

Joy Lance Mickels yatwaye ibikombe 2 biruta ibindi mu mupira w’amaguru mu gihugu cya Azerbaijan, Harimo Shampiyona n’Igikombe cy’Igihugu.

Joy Lance Mickels kandi yafashije ikipe y’Igihugu y’u Rwanda Amavubi kwegukana igikombe cya FIFA Series 2026, Yari yakiriwe n’u Rwanda mu kwezi kwa gatatu muri uyu mwaka.

Joy Lance Mickels kandi niwe mukinnyi rukumbi w’ikipe y’Igihugu Amavubi, Uzakina imikino ya UEFA Champions League nyuma yo gufasha ikipe ye Sabah Fk gutwara Shampiyona y’igihugu ya Azerbaijan.

Sabah FK izabanza ikine imikino y’amajonjora y’ibanze yiryo rushanwa riruta ayandi ku mugabane w’iburayi, nikomeza ijye mu muri (Round) wakwita ko yasimbuye amatsinda yahozeho,Yitwa League Phase, Kubera amakipe yose ari muri icyo kiciro akina igisa nka Shampiyona, Buri kipe ikina imikino 8 harimo 4 yakira nindi mikino 4 ijya gusura.

Amakipe 8 ya mbere ahita azamuka mu kiciro gikurikiho cya 16  cy’Irangiza gikinwa n’amakipe 16, Kuva ku ikipe ya 9-24, Bakina imikino yo gukuranamo hakaboneka andi makipe 8 yose akaba 16 Akina iyo Round 16, Bakagenda bakuranamo kugeza ku mukino wa nyuma.

Tubibutseko Joy Lance Mickels, Ariwe mukinnyi wa mbere uzakina imikino ya UEFA Champions League kandi anakinira ikipe y’Igihugu Amavubi  kuko amaze gukina imikino 2 mu ikipe y’Igihugu Amavubi, Muri iyo mikino yatanze umupira 1 wavuyemo igitego.