AFCON2025-Abanya-Uganda babiri mu bagomba gukinura Angola na Egypt

Mu irushanwa rya 35 ry’Igikombe cya Afurika cy’umupira w’amaguru (AFCON 2025) riri kubera muri Maroc, abanya-Uganda babiri bagizwe abayobozi b’umukino ukomeye wo mu itsinda B uzahuza Angola na Egypt, uteganyijwe ku wa Mbere tariki ya 29 Ukuboza 2025, kuri

mu mujyi wa Agadir.

Abatoranyijwe ni Dixon Adol Okello uzwi ku izina rya “Bond”, ushinzwe umutekano n’imyitwarire muri stade, hamwe na Ali Tomusange Mulumba uza kuba ari umusesenguzi w’imisifurire (referee assessor).

Aba bombi bashyizwe mu bashinzwe umutekano n’imigendekere myiza y’umukino uzatangira saa kumi n’ebyiri z’umugoroba ku isaha ya Afurika y’Iburasirazuba.

INDI NKURU WASOMA :AFCON2025- Bafana Bafana ihanzwe amaso mu mukino w’irasharaniro na Zimbabwe

Impuzamashyirahamwe y’umupira w’amaguru muri Afurika (CAF) yemeje ko uyu mukino uzasifurwa n’umusifuzi wo hagati Clement Franklin Kpan wo muri Côte d’Ivoire.

 Araza kuba afashwa na Dimbiniaina Andriatianarivelo wo muri Madagascar nk’umusifuzi wa mbere, hamwe na Jonathan Ahonto Koffi wo muri Togo nk’umusifuzi wa kabiri. Umusifuzi wa kane ni Boubou Traore wo muri Mali.

Mu bandi bayobozi harimo Mohamed Moumin Ali wo muri Djibouti uzaba ari komiseri w’umukino, Alexander Sakyi Asante wo muri Ghana nk’umuhuzabikorwa mukuru, afashijwe na Youcef Koudri wo muri Algeria.

Ikoranabuhanga rya VAR rizayoborwa na Pierre Ghislain Atcho wo muri Gabon afatanyije na Ali Sadou Brahamou wo muri Niger.

Ikipe y’igihugu ya Egypt yamaze kubona itike yo kujya mu mikino ya kamarampaka nyuma yo gutsinda Zimbabwe na Afurika y’Epfo, mu gihe Angola yo yagiye igorwa n’imikino ibiri ibanza.

Uretse Okello na Tomusange, hari n’abandi banya-Uganda bari muri Maroc mu nshingano zitandukanye zirimo umusifuzi ku rwego rwa FIFA Shamirah Nabadda, Saddam Bulega ushinzwe iyamamazabikorwa, Leila Nankya mu bijyanye na porotokole, na Ahmed Hussein mu itangazamakuru.