Ikipe ya Tottenham Hotspur yatangaje ko iri gukurikirana amakuru avuga ko umukinnyi wo hagati Yves Bissouma yafotowe arimo ahumeka umwuka w’ikinyabutabire cya nitrous oxide.
Amashusho yasohowe n’ikinyamakuru The Sun ni yo yerekana uwo mukinnyi w’imyaka 29 wavukiye muri Mali asa n’uhumeka ku bushake uwo mwuka utemewe gukoreshwa ku bakinnyi bo mu Bwongereza.
Uwo mwanya, Tottenham ntacyo yahise itangaza ku byagaragajwe n’amashusho uretse kuvuga ko ikibazo kirimo gukurikiranwa mu buryo bw’imbere mu ikipe.
Umuvugizi wa Tottenham yabwiye ikinyamakuru BBC ati: “Turi kubikurikirana kandi tuzabyitaho nk’ikibazo cy’imbere mu ikipe.”
INDI NKURU WASOMA :Uwabayeho umunyamigabane muri Liverpool yitabye Imana
Bissouma, waguzwe akayabo ka £30m avuye muri Brighton mu 2022, si ubwa mbere avuzweho ikibazo nk’iki. Mu 2023, yasabiwe ibihano byo kumuhagarika umukino umwe nyuma yo kugaragara afata uwo mwuka, maze asaba imbabazi avuga ko yari yagize icyo yise“ubusuzunguruke bukabije mu myitwarire”.
Kuva mu 2023, gutunga cyangwa gukoresha nitrous oxide mu rwego rwo kwishimisha byashyizwe mu byaha mu Bwongereza, ndetse bishobora gutuma umuntu akatirwa igifungo cy’imyaka ibiri.
Uyu mukinnyi ugiye gusoza amasezerano ye muri Tottenham ku mpera z’uyu mwaka w’imikino, nta mukino arakina kuva Thomas Frank yagirwa umutoza mukuru muri Kamena.
Biravugwa ko kuba Bissouma ataragaragaye mu mukino wa Uefa Super Cup wahuje Spurs na Paris Saint-Germain muri Kanama byatewe no gukererwa kwe kudasuhuza abatoza. Muri uyu mwaka w’imikino, yanabaye mu bibazo by’imvune byo ku ivi no ku nkweto, byatumye arushaho kubura umwanya mu ikipe.
Hari impungenge z’uko ibi bibazo bishya bishobora kongera gukoma mu nkokora urugendo rwe muri Tottenham, cyane cyane mu gihe ikipe irimo gukora ibaruramari ry’abakinnyi mbere yo gufata icyemezo cy’amasezerano ye ari gusoza.