Hakoreshwa VAR mu gutanga Koruneri mu gikombe cy’isi cya 2026

Mu gihe shampiyona zitandukanye ku isi zikomeje kugaragaza ko zidashyigikiye igitekerezo cyo kongerera VAR ububasha bwo kugenzura amakosa n’itangwa ry’imipira iturutse muri koruneri, FIFA yo yatangaje ko izakoresha ubu buryo bushya mu mikino y’igikombe cy’Isi cya 2026 kizabera muri Leta Zunze Ubumwe za Amerika, Mexique na Canada.

Ibi byemezo byasubiwemo mu nama yabaye mu Ukwakira y’Inteko ishinzwe amategeko y’umupira w’amaguru ku rwego rw’Isi, International Football Association Board (IFAB).

Muri iyo nama, hemejwe ko VAR ishobora no kwinjira mu kugenzura itangwa ry’amakarita y’umuhondo ya kabiri atangwa nabi akavamo umutuku. Ariko icyifuzo cya FIFA cyo kongera kugenzura imipira y’imiterekano yatanzwe, bityo bituma iki kigo kigomba gushaka uburyo bwo kugerageza iri koranabuhanga.

Biteganyijwe ko iyi ngingio izongera kuganirwaho mu nama ya IFAB itaha muri Mutarama, nubwo FIFA isanzwe ifite uburenganzira bwo kugerageza udushya tw’ikoranabuhanga mu marushanwa atandukanye itegura.

Uko byagenze kuri ‘semi-automated offside technology‘ ndetse no gutangariza imyanzuro ya VAR ku bafana, ni byo bishobora no guha icyuho igenzura rishya rya koruneri.

INDI NKURU WASOMA:Uwakinnye muri Premier League arashinjwa gufata ku ngufu umukunzi we

Umuyobozi w’abasifuzi muri FIFA, Pierluigi Collina ni umwe mu bantu baharanira ko iri koranabuhanga ryakwaguka kurushaho. Collina avuga ko igihe cyose hari ikosa rishobora kumenyekana mu buryo bwihuse na VAR, ntacyo bitwaye ko ryakosorwa kugira ngo umupira ukomeze mu mucyo.

Yibukije kandi ko hari ibibazo byagiye bigaragara mu mikino ikomeye, nko muri Euro 2016 ubwo u Bufaransa bwahabwaga coup-franc itari yo hafi y’urubuga rw’amahina, bikaba byari hafi gutuma haboneka igitego mu bihe by’inyongera. Ku bwe, kuvugurura uburyo VAR ikora ni inzira yo gukumira amakosa nk’ayo.

Nubwo ibihugu byinshi bikomeje gutinda kwemera iri koranabuhanga ku rwego rwa shampiyona byazo, FIFA yo isa n’iyiyemeje kurigerageza no kurirushaho kunoza, igamije gushyira imbere ukuri n’umucyo mu mukino.

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c