Volleyball : APR yigaranzuye Police ubwo RRA yatsindwaga na Kepler

Petit Stade i Remera yari yuzuye inkuba z’ibiro byavuzaga ubuhuha ku mugoroba wo kuri uyu wa gatanu, aho imikino ya shampiyona ya Volleyball yari yakomeje mu Ijoro rya cyeye.

Ubwitabire bwari ku rwego rwo hejuru, ndetse n’amarangamutima ya bamwe yakomezaga kuzamuka uko iseti yavagaho hakazaho indi.Mu mukino watangiye kare, REG VC yatsinze Kigali Volleyball Club (KVC) amaseti 3–2, mu mukino wagoye cyane amakipe yombi.

Naho mu bagore, Kepler WVC yigaranzuye RRA inyuze mu nzira itoroshye, nyuma yo kuba RRA yari yegukanye amaseti abiri ya mbere (25–16, 25–20).

Gutsindwa kwari kwatumye Kepler bisa nkaho batakaje amanota, ariko imbaraga zabo zatumye bihangana bongera kwishyura amaseti abiri (21–25, 19–25) maze batsinda n’iseti ya kamarampaka ku manota 15–10.

Hakurikiyeho umukino w’amateka mu bagabo, APR VC ihura na Police VC. Umukino w’ibihe byose wari wuje imbaraga n’ukwemera. Byongeyeho n’abayobozi bakuru bari bawitabiriye, barimo Umuvugizi w’Ingabo z’u Rwanda Brigadier General Ronald Rwivanga n’Umuvugizi wa Police y’u Rwanda ACP Boniface Rutikanga, byerekana uko uyu mukino wari ukomeye kurusha isanzwe.

APR yakinnye iseti ya mbere nta kujenjeka, iyitsinda 25–20. Iseti ya kabiri yabaye nka filimi: amanota yazamukanaga atava iruhande, ndetse igera ku manota 37–35, APR yongera kuyitwara mu buryo bwatangiye gukura ubwoba abafana ba Police VC. Ibyo byanatumye umutoza wa APR, Sammy Mulinge, ahanwa amakarita kubera impaka zidasiba mu kibuga no ku ntebe y’abasimbura.

INDI NKURU WASOMA :RPL – APR FC yanganije na AS Kigali

Police VC yagarukanye imbaraga mu iseti ya gatatu, iyitwara 25–23, igarura icyizere ko umukino ushobora no kurenga amaseti ane. Ariko icyizere cyabo cyaje gucogozwa n’ubudahangarwa bwa APR, yatsinze iseti ya kane 25–18, ishimangira intsinzi yayo n’ijwi ry’abafana ryuzuye Petit sitade.

Nyuma y’umukino, Kapiteni wa APR VC, Prince Kanamugire, yagize ati:“Iyo duhura na Police VC, tugomba gukora ibishoboka byose ngo tubatsinde. Ni icyifuzo cyacu nubwo mu mikino byose bishoboka.”

Mu mukino wabanje, REG nayo yari yatsinze KVC mu buryo bukomeye (17–25, 25–21, 25–19, 20–25, 16–18).

Imikino irakomeza kuri uyu wa gatandatu, aho St Famille irakira indi mikino yitezwe n’abatari bake.

Imikino iteganyijwe kuri uyu wa gatandatu:

Abagore:

• RP-Huye vs Ruhango WVC — Saa Sita
• EAUR vs Police WVC — Saa Munani

Abagabo:

• Kirehe VC vs EAUR — Saa Kumi
• Kepler VC vs RP-Ngoma — Saa Moya z’ijoro

KWAMAMAZA: Niba utarafunguza konti muri Fortebet kandi ukaba wifuza gutega ku mukino itandukanye utavuye aho uri kandi ku bikubo utasanga ahandi mu Rwanda gana Fortebet; kwiyandikisha kanda hano winjire mu muryango mugari utagira uwo uheza hanyuma uhabwe ikaze ry’amafaranga 200 frw yo gukoresha ipari ya mbere, Kanda munsi 👇👇👇
https://www.fortebet.rw/?pref_device=desktop&utm_source=thedrum_rw&utm_medium=leaderboardHP&utm_c